بۇگىن وبلىس اكىمى گۇلشارا ابدىقالىقوۆانىڭ توراعالىعىمەن سىبايلاس جەمقورلىققا قارسى ءىس-قيمىل ماسەلەلەرى جونىندەگى كوميسسيانىڭ كەزەكتى وتىرىسى وتكىزىلدى, دەپ حابارلايدى Egemen.kz.
وتىرىستا قر سىبايلاس جەمقورلىققا قارسى ءىس-قيمىل اگەنتتىگىنىڭ قىزىلوردا وبلىسى بويىنشا دەپارتامەنتى باسشىسىنىڭ ءبىرىنشى ورىنباسارى باقىتجان نيازوۆ 8 اي قورىتىندىسى تۋرالى, ال قىزىلوردا وبلىسى بويىنشا مەملەكەتتىك ساتىپ الۋ باسقارماسىنىڭ باسشىسى عالىم ەدىگەەۆ "مەملەكەتتىك ساتىپ الۋلاردى ورتالىقتاندىرۋ" پيلوتتىق جوباسىنىڭ ورىندالۋ بارىسى جايلى باياندادى.
حابارلامادان كەيىن وبلىس اكىمى گۇلشارا ابدىقالىقوۆا مەملەكەتتىك ورگان جەتەكشىلەرىنە سىبايلاس جەمقورلىققا قارسى قاجەتتى شارالار قابىلداۋدى تاپسىردى.
سونىمەن قاتار, كورسەتىلەتىن مەملەكەتتىك قىزمەتتەردى تسيفرلاندىرۋ, مەملەكەتتىك ورگانداردىڭ اشىقتىعىن ارتتىرۋ جانە ازاماتتاردىڭ اقپاراتقا قول جەتىمدىلىگىن, تۇرمىستىق جەمقورلىقتى جويۋ, قوعامدىق باقىلاۋدى قامتاماسىز ەتۋ, مەملەكەتتىك ساتىپ الۋ زاڭنامالارىنىڭ قاتاڭ ساقتالۋىن, تالداۋ جانە پروفيلاكتيكالىق جۇمىستاردى كۇشەيتۋ باعىتتارىن ناقتى ايقىندادى.
ايماق باسشىسى مەملەكەت تاراپىنان كاسىپكەرلىك سۋبەكتىلەردىڭ زاڭدى مۇددەلەرىنىڭ قورعالۋىنا باسا نازار اۋدارۋ قاجەتتىگىن ەرەكشە اتاپ ءوتتى.