اسقار مامين وتىن دايىنداۋ دەڭگەيى جەتكىلىكسىز وڭىرلەردى اتادى

جىلىتۋ ماۋسىمىنا دايىندىق بويىنشا اتقارىلىپ جاتقان جۇمىس تۋرالى ەنەرگەتيكا ءمينيسترى ن. نوعاەۆ, يندۋستريا جانە ينفراقۇرىلىمدىق دامۋ ءمينيسترى ب. اتامقۇلوۆ, ءبىلىم جانە عىلىم ءمينيسترى ا. ايماعامبەتوۆ, دەنساۋلىق ساقتاۋ ءمينيسترى ا. تسوي, باتىس قازاقستان وبلىسىنىڭ اكىمى ع. يسقاليەۆ, قاراعاندى وبلىسىنىڭ اكىمى ج. قاسىمبەك, اقمولا وبلىسىنىڭ اكىمى ە. مارجىقپاەۆ, نۇر-سۇلتان قالاسىنىڭ اكىمى ا. كولگىنوۆ, سونداي-اق پرەمەر-ءمينيستردىڭ ورىنباسارى ر. سكليار باياندادى. 

وڭىرلەر 10662 اۆتونومدى قازاندىق نەمەسە 98,6%, 46561 تۇرعىن ءۇي (97%) دايىندادى. 5 024 كم جىلۋ جەلىسى (99,1%), 14 089 كم سۋمەن جابدىقتاۋ جەلىلەرى (99,1%) جوندەلدى. جىلىتۋ ماۋسىمىنا 11 158 (99,6%) ءبىلىم بەرۋ نىسانى جانە 5 963 (99,2%) دەنساۋلىق ساقتاۋ نىسانى دايىندالدى. كومىر ءوندىرۋشى كومپانيالار 69 ملن توننا كومىر ءوندىردى.

كوممۋنالدىق قىزمەتتەر ءۇشىن تۇتىنۋشىلاردىڭ بەرەشەگى 17 ملرد تەڭگەنى قۇرايدى. ەڭ جوعارى دەبيتورلىق بەرەشەك الماتى قالاسىندا – 4,5 ملرد تەڭگە, نۇر-سۇلتان قالاسىندا – 1,95 ملرد تەڭگە, شىمكەنت قالاسىندا – 2,5 ملرد تەڭگە جانە ماڭعىستاۋ وبلىسىندا – 1,4 ملرد تەڭگە ساقتالۋدا.

"كۇن رايىنىڭ قولايسىزدىعىنا بايلانىستى جىلىتۋ ماۋسىمى كوپتەگەن ايماقتاردا ەرتەرەك باستالىپ كەتتى. جالپى, وڭىرلەردىڭ اكىمدەرى تۇرعىن ءۇي-كوممۋنالدىق شارۋاشىلىق, ءبىلىم بەرۋ, الەۋمەتتىك سالالاردى, جىلۋ جانە ەنەرگيا وبەكتىلەرىن جىلىتۋ ماۋسىمىنا دايىنداۋ بويىنشا جاقسى جۇمىس جۇرگىزدى", دەدى ا. مامين.

اقمولا, قاراعاندى, قوستاناي, پاۆلودار, سولتۇستىك قازاقستان وبلىستارىنىڭ جانە الماتى قالاسىنىڭ اكىمدىكتەرى الەۋمەتتىك سالا وبەكتىلەرى مەن تۇرعىن ۇيلەردى جىلىتۋ ماۋسىمىنا دايىنداۋ جوسپارىن 100% ورىندادى.

اقمولا, الماتى, شىعىس قازاقستان, باتىس قازاقستان, قوستاناي, پاۆلودار, سولتۇستىك قازاقستان وبلىستارى مەن الماتى قالاسى اۆتونومدى قازاندىقتار ءۇشىن كومىر دايىنداۋ جونىندەگى جوسپارلى كورسەتكىشتەردى اياقتادى.

باتىس قازاقستان وبلىسىندا تۇرعىن ۇيلەردى دايىنداۋ كەستەسىنەن ارتتا قالۋ فاكتىلەرى بار (61,7%). اقمولا (كوممۋنالدىق-تۇرمىستىق قاجەتتىلىكتەر ءۇشىن 48% جانە حالىق ءۇشىن 61%), اقتوبە (90,3% جانە 51%), قاراعاندى (83% جانە 53%), سولتۇستىك قازاقستان (80% جانە 70%), پاۆلودار (حالىق ءۇشىن 67%) وبلىستارىندا جانە نۇر-سۇلتان قالاسىندا (حالىق ءۇشىن نەبارى 40%) كوممۋنالدىق قاجەتتىلىكتەر مەن حالىق ءۇشىن وتىن دايىنداۋ دەڭگەيى جەتكىلىكسىز.

ۇكىمەت باسشىسى اكىمدەرگە بەلگىلەنگەن مەرزىمدەردە بارلىق جوسپارلانعان جوندەۋ جۇمىستارىن جانە قاجەتتى كولەمدە وتىن جەتكىزۋدى اياقتاۋدى, سونداي-اق ەنەرگيا وندىرەتىن جانە ەنەرگيا جەتكىزەتىن ۇيىمدارمەن بىرلەسىپ, جىلىتۋ ماۋسىمىن جۇرگىزۋگە دايىندىق پاسپورتتارىن تەز ارادا الۋدى قامتاماسىز ەتۋدى تاپسىردى.

"بىزدە وندىرىلەتىن كومىردىڭ كولەمى جەتكىلىكتى, سوندىقتان كومىرمەن قيىندىقتار تۋىنداماۋى كەرەك", دەدى ا. مامين.

پرەمەر-مينيستر وڭىرلەردىڭ اكىمدەرىنە ەكى اپتا مەرزىمدە بەلگىلەنگەن تارتىپپەن كومىر دايىنداۋ جانە ساتۋ پۋنكتتەرىنىڭ ينفراقۇرىلىمىنىڭ قازىرگى جاعدايىن, جەتكىزۋ كەستەسىن, باعالاردىڭ نەگىزدىلىگى مەن ساتىلاتىن كومىردىڭ ساپاسىن تەكسەرۋدى, سونداي-اق يندۋستريا جانە ينفراقۇرىلىمدىق دامۋ مينيسترلىگىنە "قازاقستان تەمىر جولى" ۇك" اق-مەن بىرلەسىپ, كومىر جەتكىزۋ ءۇشىن ۆاگونداردىڭ جەتكىلىكتى بولۋىن قامتاماسىز ەتۋدى تاپسىردى. 

"وڭىرلەردە كاسىپورىنداردىڭ جەتكىزىلگەن گاز بەن كومىر ءۇشىن جانە تۇتىنۋشىلاردىڭ كوممۋنالدىق قىزمەتتەر ءۇشىن دەبيتورلىق بەرەشەگىن وتەۋ جونىندەگى جۇمىستار كۇشەيتىلسىن", دەدى پرەمەر-مينيستر.

ا. مامين ەنەرگەتيكا, يندۋستريا جانە ينفراقۇرىلىمدىق دامۋ مينيسترلىكتەرىنە وڭىرلەر اكىمدىكتەرىنىڭ بارلىق وبەكتىلەردى جىلىتۋ ماۋسىمىنا دايىنداۋ جۇمىستارىن اياقتاۋىن باقىلاۋعا الىپ, مونيتورينگ جۇرگىزۋدى قامتاماسىز ەتۋدى تاپسىردى.