بۇل تۋرالى يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ مالىمدەدى, دەپ حابارلايدى Egemen.kz.
"ەلوردانىڭ مەديتسينالىق مەكەمەلەرىنە 129 وكپەنى جاساندى جەلدەتۋدىڭ ستاتسيونارلىق اپپاراتى جەتكىزىلدى. ال وندىرىستە جانە ستەندتىق سىناقتاردا 1190 اپپارات بار. ونىڭ 181 بىرلىگى جونەلتۋگە دايىن. ءبىرىنشى قازاننان باستاپ ولاردى الماتى, شىمكەنت قالالارىنا جەتكىزۋ جوسپارلانۋدا. 10 قازانعا دەيىن ەل بويىنشا 297 اۋرۋحاناعا جەتكىزىلەتىن بولادى", دەدى مينيستر.
سونداي اق ول قويمالاردا 15 ميلليون استام ماسكا بار ەكەنىن جانە دە وتاندىق كاسىپورىندار تاۋلىك سايىن 900 مىڭ ماسكا شىعاراتىنىن ايتتى.
"كۇن سايىن 330 مىڭ مەديتسينالىق قولعاپ شىعارىلادى. قويمالاردا 7 ميلليون جۇپ قولعاپ قورى بار. ال قورعانىس كوستيۋمدەرىن وندىرۋدە 6 وتاندىق كومپانيا ايىنا 504 مىڭ كوستيۋم شىعارىپ وتىر. جىل سوڭىنا دەيىن قۋاتتىلىق ءبىر ميلليونعا دەيىن ارتادى", دەدى مينيستر.
مينيستر 15 قازانعا دەيىن 264 بىرلىك جەدەل جاردەم كولىگى وڭىرلەرگە جەتكىزىلەتىنىن ءمالىم ەتتى.
"53 رەنتگەن اپپاراتى جاسالدى. ونىڭ ءار داناسى 41,5 ملن تەڭگە تۇرادى. العاشقى 20 اپپارات قازان ايىنىڭ باسىندا قوستاناي جانە اقتوبە قالالارىنا جەتكىزىلەدى. قالعان اپپاراتتى جەتكىزۋ وسى جىلدىڭ 15 قازانىنا دەيىن جوسپارلانعان", دەدى ول.