سەناتورلار ليۋكسەمبۋرگتەگى قازاقستاندىق كاسىپورىنداردى قوسارلانعان سالىقتان بوساتاتىن زاڭ جوباسىن قارادى, دەپ حابارلايدى Egemen.kz
سەناتتىڭ قارجى جانە بيۋدجەت كوميتەتىنىڭ كەڭەيتىلگەن وتىرىسى ءوتتى. وندا سەناتورلار "2012 جىلعى 3 مامىردا ليۋكسەمبۋرگتە قول قويىلعان حاتتامامەن ەنگىزىلگەن وزگەرىستەردى ەسكەرە وتىرىپ, 2008 جىلعى 26 ماۋسىمدا استانادا قول قويىلعان قازاقستان رەسپۋبليكاسىنىڭ ۇكىمەتى مەن ليۋكسەمبۋرگ ۇلى گەرتسوگتىگىنىڭ ۇكىمەتى اراسىنداعى تابىس پەن كاپيتالعا سالىناتىن سالىقتارعا قاتىستى قوسارلانعان سالىق سالۋدى بولدىرماۋ جانە سالىق سالۋدان جالتارۋعا جول بەرمەۋ تۋرالى كونۆەنتسياعا تولىقتىرۋ ەنگىزۋ تۋرالى حاتتامانى راتيفيكاتسيالاۋ تۋرالى" قازاقستان رەسپۋبليكاسى زاڭىنىڭ جوباسىن قارادى.
زاڭ جوباسى ليۋكسەمبۋرگ اۋماعىندا تىركەلگەن كاسىپورىنداردىڭ اكتسيالارىن يەلەنگەن جاعدايدا ۇكىمەتكە تولەنەتىن ديۆيدەندتەرگە سالىق تولەۋدەن بوساتۋدى قاراستىرادى.
"قولدانىستاعى كونۆەنتسياعا تولىقتىرۋ ەنگىزۋ تولەنەتىن ديۆيدەندتەردى مەملەكەتتىك مەنشىككە بايلانىستى سالىق سالۋدان بوساتۋ ارقىلى ەل بيۋدجەتىنىڭ مۇددەلەرىن قورعاۋ قاجەتتىلىگىنەن تۋىندادى", دەدى عۇمار دۇيسەمباەۆ.
قۇجات پالاتانىڭ قاراۋىنا جولداندى.