قازاقستاننىڭ سانكت-پەتەربۋرگ قالاسىنداعى باس كونسۋلى باۋىرجان دوسمانبەتوۆ «نەۆسكي پياتاچوك» اتتى پلاتسدارمىندا كەڭەس جاۋىنگەرلەرىنىڭ سۇيەكتەرىن قايتا جەرلەۋگە ارنالعان ازا تۇتۋ راسىمىنە قاتىستى, دەپ حابارلايدى Egemen.kz.
421 جاۋىنگەردىڭ اراسىندا سولتۇستىك قازاقستان وبلىسىنان شاقىرىلعان سارباز ەلتسوۆ فيليپپ يۆانوۆيچ تە جەرلەندى. ف.ەلتسوۆ 1924 جىلى سولتۇستىك قازاقستان وبلىسى, بۋلاەۆ اۋدانى, بەرەزنيكي اۋىلىندا دۇنيەگە كەلگەن. ول 1942 جىلى مايدانعا شاقىرىلىپ, ال 1943 جىلدىڭ تامىزىنان باستاپ حابار-وشارسىز كەتكەندەر قاتارىندا بولدى. اسكەري بورىشىن اتقارۋ بارىسىندا ف.ەلتسوۆ «لەنينگرادتى قورعاعانى ءۇشىن» مەدالىمەن ماراپاتتالعان.
قازاقستاندىق جاۋىنگەردىڭ جاقىن تۋىستارى ونى لەنينگراد وبلىسىندا ءوزىنىڭ ساربازدارىمەن بىرگە جەرلەۋگە نيەت ءبىلدىردى.