"كوشە ساۋداسى - 1000 ورىن" باعدارلاماسى بويىنشا ساۋدا پاۆيلوندارىنا 644 جەر ۋچاسكەسى ءبولىندى. ولاردىڭ كوبىندە كاسىپكەرلەر جەمىس-كوكونىس ساۋداسىن ۇيىمداستىردى, دەپ حابارلايدى Egemen.kz ەلوردا اكىمىنىڭ ءباسپاسوز قىزمەتىنە سىلتەمە جاساپ.
"قازىرگى تاڭدا نۇر-سۇلتان قالاسى بويىنشا ساۋدا جانە قىزمەت كورسەتۋ نىساندارىن ورنالاستىرۋ ءۇشىن 644 جەر ۋچاسكەسى ءبولىندى. ۋچاسكەلەردىڭ جالپى اۋدانى 7 990 شارشى مەتردى قۇرايدى. باعدارلامادا كوكونىستەر مەن جەمىستەردى ساتۋ نىساندارى كوبىرەك كەزدەسەدى. ولار ءۇشىن 244 جەر ۋچاسكەلەرى بولىنگەن, سودان كەيىن تاماقتانۋ ورىندارى - 211, تاماق ونىمدەرى - 71. جوبانى جۇزەگە اسىرۋ ەلوردادا 1700-دەن استام جۇمىس ورنىن قۇرۋعا, 1,1 ملرد تەڭگە جەكە ينۆەستيتسيالار تارتۋعا مۇمكىندىك بەردى", - دەدى "SPK Astana development" جشس ديرەكتورى ارداق دوسانوۆ.
ايتا كەتەيىك, جوباعا قاتىساتىن بيزنەس وكىلدەرىنە ساۋدا ءۇشىن قوسالقى جەر ۋچاسكەسىن جالعا بەرۋ قاراستىرىلعان. باعدارلاما تالاپتارىنا سايكەس كوكونىستەر مەن جەمىستەردى, تاماق ونىمدەرىن, گۇلدەر مەن باسپا ونىمدەرىن ساتۋ ءۇشىن پايدالانۋعا رۇقسات ەتىلەدى. سونىمەن قاتار ارنايى بولىنگەن جەردە تەحنيكالىق قىزمەت, تۇرمىستىق جانە زاڭگەرلىك قىزمەتتەر كورسەتىلۋى مۇمكىن. جالعا الۋ باعاسى ۋچاسكەنىڭ اۋدانىنا بايلانىستى.
"ەگەر ساۋدا الاڭى 20 شارشى مەتر بولسا, كاسىپكەر 1 شارشى مەتر ءۇشىن جىلىنا 20 مىڭ تەڭگە تولەيدى. 20-دان 30 شارشى مەترگە دەيىنگى ۋچاسكە ءۇشىن تاريف 16 مىڭ تەڭگەگە دەيىن تومەندەتىلدى. ەگەر پاۆيلوننىڭ اۋدانى 30 شارشى مەتردەن اسسا, جالعا الۋ قۇنى جىلىنا 1 شارشى مەتر ءۇشىن 14 مىڭعا دەيىن تومەندەيدى", - دەپ ءتۇسىندىردى ارداق دوسانوۆ.
كاسىپ اشۋدى ەندى عانا جوسپارلاپ جۇرگەندەر جەر ۋچاسكەسىن كونكۋرس نەمەسە كونكۋرستار مەن اۋكتسيوندار ارقىلى الا الادى. "1000 ورىن - كوشە ساۋداسى" باعدارلاماسىنا قاتىسۋشىلار جەردىڭ تەحنيكالىق سيپاتتامالارىن وزگەرتە الادى. سونداي-اق باعدارلاماعا قوسۋ ءۇشىن بوس جاتقان جەردى تاڭداۋعا بولادى. ول ءۇشىن "استانا" الەۋمەتتىك-كاسىپكەرلىك كورپوراتسياسىنا ءوتىنىش, وتىنىممەن بىرگە فوتوسۋرەتتى جانە سۇرالعان اۋماقتىڭ سىزباسىن قوسا بەرۋ كەرەك.
اۋكتسيون وتكىزۋ تۋرالى حابارلاندىرۋ "استانا" الەۋمەتتىك-كاسىپكەرلىك كورپوراتسياسى" اق رەسمي سايتىندا, نۇر-سۇلتان اكىمدىگىنىڭ جانە "اتامەكەن" ەلوردالىق كاسىپكەرلەر پالاتاسىنىڭ سايتىندا ورنالاستىرىلعان. وتىنىشتەر بەرۋ جانە اۋكتسيونعا قاتىسۋ www.gosreestr.kz پورتالىندا جۇزەگە اسىرىلادى. ەستەرىڭىزگە سالا كەتەيىك, "1000 ورىن - كوشە ساۋداسى" باعدارلاماسىنىڭ وپەراتورى "استانا" الەۋمەتتىك-كاسىپكەرلىك كورپوراتسياسى" اق-نىڭ ەنشىلەس كاسىپورنى - "SPK Astana development" جشس.