ەلوردادا تەگىن قۇقىقتىق جانە پسيحولوگيالىق كومەكتى قايدان الۋعا بولادى؟

ەلوردا تۇرعىندارى بىلىكتى, تەگىن, قۇقىقتىق جانە پسيحولوگيالىق كومەك الا الادى. ول ءۇشىن ەلوردادا بىرقاتار قوعامدىق قورلار مەن ورتالىقتار جۇمىس ىستەيدى. نۇر-سۇلتانداعى "سەنىم" مەدياتسيا ورتالىعىنا وسى جىلدىڭ ناۋرىز ايىنان باستاپ 1128 ادام ءوتىنىش بىلدىرگەن, ولاردىڭ 500-گە جۋىعى ونلاين-كەڭە الدى.

"جۇگىنگەندەردىڭ 30 %-ى وتباسىلىق ماسەلەلەر بويىنشا كەلسە, 70 %-ى ەڭبەك قۇقىعى تۋرالى كەڭەس الدى. كوبىنە ەڭبەك زاڭى بۇزىلعان جاعدايدا جانە وتباسىلىق قيىندىقتار ماسەلەسى بويىنشا كەلەدى", دەيدى "سەنىم” مەدياتسيا ورتالىعىنىڭ ديرەكتورى اسەل مولداعاليەۆا.

كومەكتى مىنا مەكەنجاي بويىنشا الۋعا بولادى: اباي داڭعىلى, 38, كاب. 112. سونداي-اق, كەڭەس الۋ ءۇشىن 64-34-78 نەمەسە +7 771 996 09 27 جانە 8 701 196 60 51 بايلانىس نومىرىنە حابارلاسۋعا بولادى.

"رۋحاني قوعام الەمى" قق وتباسى قۇندىلىقتارىن نىعايتۋ جانە گەندرلىك مادەنيەتتى قالىپتاستىرۋ” جوباسى اياسىندا جىل باسىنان باستاپ پسيحولوگيالىق كورسەتىپ كەلەدى. ۇيىم كارانتين كەزەڭىندە ونلاين-فورماتتا وتەتىن ترەنينگتەر مەن سەمينارلار وتكىزگەن.

"بۇگىندە ءبىزدىڭ كومەگىمىزگە 155 ادام جۇگىندى. ونىڭ 120-سى وتباسىلىق پروبلەمالار بويىنشا, 35 ادام جەكە باسىنا بايلانىستى كەڭەستەر الدى. كەڭەس الۋعا كوبىنە مىنا ماسەلەلەر بويىنشا كەلىپ جاتادى: اتا-انا مەن بالانىڭ اراسىنداعى تۇسىنىسپەۋشىلىك, الەۋمەتتىك جاعدايعا بايلانىستى وتباسىلىق جانجالدار, جابىق كەڭىستىكتە قالعاننان كەيىن ەر مەن ايەل اراسىنداعى ءبىر-بىرىنە دەگەن رەنىش, وكپە جانە ت.ب.", دەيدى "رۋحاني قوعام الەمى" قق پرەزيدەنتى, پسيحولوگتەر ليگاسىنىڭ مۇشەسى ليمانا قويشيەۆا.

كەڭەس الۋ ءۇشىن سەنىم تەلەفونى +7 771 888 1777 ءنومىرى بويىنشا جۇمىس ىستەيدى, سونداي-اق اۋەزوۆ,19 مەكەنجايى بويىنشا ورنالاسقان نۇر-سۇلتان قالاسىنىڭ ازاماتتىق باستامالاردى قولداۋ ورتالىعىنىڭ جەكە كەڭەس بەرۋ كابينەتىنە بارۋعا بولادى. قۇقىقتىق كومەككە كەلەتىن بولساق, ەلوردا تۇرعىندارىنا "استانا جاستارى" جاستار رەسۋرستىق ورتالىعىندا كورسەتىلەدى. ستۋدەنتتەر, مۇمكىندىگى شەكتەۋلى ادامدار, كامەلەتكە تولماعاندار, جاس وتباسىلار, اسكەري قىزمەتشىلەر, جاقىندا باس بوستاندىعىنان ايىرۋ ورىندارىنان بوساتىلعان ادامدار, سونداي-اق قيىن ومىرلىك جاعدايعا تاپ بولعان ادامدار جۇگىنە الادى.

ورتالىق ماماندارى اۋىزشا نەمەسە جازباشا كەڭەس بەرەدى, قۇقىقتىق سيپاتتاعى قۇجاتتاردى, وتىنىشتەردى, ارىزداردى, وتىنىشتەردى, شاعىمداردى, شارتتاردى جاساۋعا كومەكتەسەدى. زاڭگەرلەر وتباسىلىق, تۇرعىن ءۇي, ەڭبەك, ازاماتتىق نەمەسە تۇتىنۋشىلىق ماسەلەلەر بويىنشا كومەكتەسە الادى.

كومەككە 8 (717) 224-95-72 ءنومىرى بويىنشا جۇگىنۋگە بولادى. سونداي-اق, "استانا جاستارى" جاستار رەسۋرستىق ورتالىعىنىڭ كەڭسەسىنە كەلۋىڭىزگە بولادى: سارىارقا داڭعىلى, 13, 516 كابينەت, ساعات 09:00-دەن 18:00-گە دەيىن, وزىڭىزبەن بىرگە جەكە كۋالىگىڭىز بەن قۇجاتتارىڭىز بولۋى تيس. سونىمەن قاتار, الەۋمەتتىك جەلىلەردە: Vkontakte "بەسپلاتنايا يۋريديچەسكايا كونسۋلتاتسيا", Instagram-دا "free_legal_advice" پاراقشالارىندا ءوتىنىش قالدىرۋعا بولادى.