كوروناۆيرۋسپەن اۋىرىپ, جازىلعان ادامدار ماسكا تاعۋدى جالعاستىرىپ, ساقتىق شارالارىن ساقتاۋى ءتيىس. بۇل تۋرالى قازاقستان پروفيلاكتيكالىق مەديتسينا اكادەمياسىنىڭ پرەزيدەنتى الماز شارمان ونلاين بريفينگ بارىسىندا ايتتى, دەپ حابارلايدى Egemen.kz.
"كوروناۆيرۋسپەن اۋىرىپ العان ادامدار دا ماسكا تاعىپ, الەۋمەتتىك قاشىقتىقتى ۇستانۋ قاجەت. يا, يممۋندىق قورعانىس بار, ءيا, انتيدەنەلەر پايدا بولادى, انتيدەنەلەر عانا ەمەس, سونىمەن قاتار جاسۋشا يممۋنيتەتى داميدى. ول قانشا ۋاقىتقا جەتەتىنى بەلگىسى. ونى قازىر عالىمدار زەرتتەپ جاتىر", دەيدى الماز شارمان.
ونىڭ ايتۋىنشا, كوروناۆيرۋسپەن اۋىرىپ, جازىلعان ادامدار ماسكا تاعۋى ءتيىس.
ء"سىز اۋىرماساڭىز دا, ۆيرۋس ءسىزدىڭ اۋىز قۋىسىڭىزدا بولىپ, وزگەلەرگە تاراپ كەتۋى مۇمكىن. ماسكا ءوزىڭىزدى ەمەس, ماڭايىڭىزداعىلاردى قورعاۋ ءۇشىن كەرەك. ماسكا اينالاڭىزدى قاۋىپتى ىندەتتەن قورعايدى. سوندىقتان بارشاڭىزدى ماسكا تاعىپ جۇرۋگە شاقىرامىن. بۇكىل الەم دارىگەرلەرى وتە ماڭىزدى, كەڭ اۋقىمدى پروبلەمالارعا تاپ بولدى. سوندىقتان, كۇزگى-قىسقى ماۋسىمدا جانە بولۋى مۇمكىن كوروناۆيرۋستىڭ ەكىنشى تولقىنىن ادامدار مۇنىڭ ءبارىن بايىپتى قابىلداۋى كەرەك. جاڭا ىندەتتەر ەۋروپا مەن ازيانىڭ ءارتۇرلى ەلدەرىندە پايدا بولادى. بۇل كۇزگى كەزەڭگە, كۇننىڭ سالقىنداۋىنا بايلانىستى. قازىر كوپ نارسە ءبىزدىڭ ءوزىمىزدى قالاي ۇستايتىنىمىزعا بايلانىستى. ءبىز اراقاشىقتىقتى ساقتاپ, ماسكا تاعىپ, جالپى گيگيەنا ەرەجەلەرىن ساقتاۋدى جالعاستىرامىز. سوندىقتان ەگەر قازاقستاندا ەپيدەميانىڭ ەكىنشى تولقىنى بولاتىن بولسا, ونىڭ قانشالىقتى قاۋىپتى بولاتىنى تىكەلەي وزىمىزگە بايلانىستى بولماق", دەدى الماز شارمان.