تۇركىستاندا "اشىق جۇرەك" ەرىكتىلەر ورتالىعىنىڭ اشىلۋى ءوتتى

ورتالىقتىڭ اشىلۋ سالتاناتىنا تۇركىستان وبلىسى قوعامدىق دامۋ باسقارماسى "جاستارمەن جۇمىس" ءبولىمىنىڭ باسشىسى سەيدۋللا كەڭەسباي ۇلى جانە قازاقستان ەرىكتىلەر ليگاسىنىڭ تۇركىستان وبلىسىنداعى اتقارۋشى ديرەكتورى ءجۇرسىن نۇربولات, ەرىكتىلەر ليگاسىنىڭ ليدەرى ايدانا ەسىركەپ جانە "اشىق جۇرەك" جوباسىنىڭ ۆولونتەرلەرى قاتىستى.

ورتالىقتىڭ اشىلۋ سالتاناتىنا قاتىسقان تۇركىستان وبلىسى قوعامدىق دامۋ باسقارماسى "جاستارمەن جۇمىس" ءبولىمىنىڭ باسشىسى سەيدۋللا كەڭەسباي ۇلى يگى باستاماعا ءىلتيپاتىن ءبىلدىرىپ, بۇل جوبالاردىڭ ماڭىزدىلىعىنا باسا نازار اۋدارۋ كەرەكتىگىن ايتتى.

"اشىق جۇرەك" جوباسى قازاقستان ەرىك­تىلەر ليگاسى قوعامدىق قورى جاستار اراسىندا ۆولون­تەرلىك برەندىن تانىمال ەتۋ ءۇشىن, اق­پارات جانە قوعامدىق دامۋ مينيسترلىگىنىڭ قولداۋىمەن جۇزەگە اسىپ جاتىر. وسى جوبا ارقىلى جاستار اراسىندا ەرىكتىلەردىڭ جاپپاي قوزعالىسىن قۇرۋ, بالالاردا سانالى بەلسەندى ازاماتتىق پوزيتسيانى, جاۋاپكەرشىلىكتى قالىپتاستىرۋعا جانە الەۋمەتتىك ماڭىزدى ماسەلەلەردى شەشۋ ءۇشىن قوعامعا قاتىستى وڭ ءىس-ارەكەتتەردى جۇزەگە اسىرۋعا ىقپال ەتۋدى كوزدەيدى.

ء"بىزدىڭ ۇيىم 2013 جىلدان باستاپ قىزمەت اتقارۋدا جانە ءبىز قازاقستانداعى ەڭ ءىرى ۆولونتەرلىك قوزعالىستاردىڭ ءبىرىمىز. بۇگىندە ليگادا 7000-نان استام بەلسەندىلەر قىزمەت اتقارىپ ءجۇر جانە بارلىق ايماقتاردا وكىلدەرىمىز بار. كارانتيننىڭ العاشقى كۇندەرىنەن باستاپ ليگا ۆولونتەرلەرى حالقىمىزدىڭ مۇقتاج ساناتتارىنا ازىق-ت ۇلىك سەبەتتەرىن جەتكىزىپ, تۇرعىندار اراسىندا ءتۇسىندىرۋ جۇمىستارىن جۇرگىزدى. وسى "اشىق جۇرەك" جوباسى ارقىلى دا قازىرگى قوعامنىڭ دامۋىنىڭ ماڭىزدى فاكتورىنىڭ ءبىرى, الەۋمەتتىك كومەك مادەنيەتىن قالىپتاستىرۋعا كۇش سالامىز", - دەدى نۇربولات ءجۇرسىن.

سونداي-اق "اشىق جۇرەك" جوباسى اياسىندا شاعىن گرانتتار بايقاۋى  وتەدى. بارلىعى 107 شاعىن گرانت بار. قازاقستان رەسپۋبليكاسىنىڭ بارلىق ءوڭىرى بويىنشا باس­تاماشىل توپتار ءۇشىن 300 000 تەڭ­گەدەن 56 شا­عىن گرانت, 300 000 تەڭگەدەن 42 شاعىن گرانت 14 وب­لىستىڭ ۆولونتەرلەرى مەن ۆولون­تەرلىك ۇيىمدارى ءۇشىن بە­رىلەدى. ال  500 000 تەڭ­گەدەن 9 گرانت رەسپۋبليكالىق ماڭىزى بار قالالاردىڭ ۆولون­تەرلەرىنە ارنالعان. مۇنداي مۇمكىندىكتىڭ ءبارى ەلدەگى ۆولونتەرلاردىڭ سانىنىڭ ارتۋىنا جانە ولاردى الەۋمەتتىك ماڭىزى بار جۇمىستارعا تارتۋ مەن ءار ءتۇرلى تىركەۋدە تۇرعان كامەلەتكە تولماعانداردىڭ سانىن ازايتۋعا ءوز سەپتەگىن تيگىزەدى.