قازاقستاننىڭ ءبىرىنشى, الەمنىڭ 18-راكەتكاسى ەلەنا رىباكينا ريم WTA ءتۋرنيرىن جەڭىسپەن باستادى.
قازاقستاندىق تەننيسشى باستاپقى كەزدەسۋىن رەسەيدىڭ ءبىرىنشى راكەتكاسى ەكاتەرينا الەكساندروۆامەن وتكىزىپ, ءبىرىنشى سەتتە 6:0 ەسەبىمەن تاس-تالقان ەتسە, ەكىنشى سەتتە 6:4 ەسەبىمەن باسىم ءتۇستى.
قازاقستاندىق كەلەسى اينالىمدا ماريا بوۋزكوۆا مەن ايلا تومليانوۆيچ اراسىنداعى ەكەۋارا ويىن جەڭىمپازىمەن كورتقا شىعادى.
ال يۋليا پۋتينتسەۆا العاشقى اينالىمدا شۆەتسيالىق رەبەككا پەتەرسونمەن شەبەرلىك بايقاسادى.
ەرلەر اراسىندا الەكساندر بۋبليك العاشقى اينالىمدا US Open ءتۋرنيرىنىڭ 2014 جىلعى چەمپيونى, حورۆات مارين چيليچپەن كورتقا شىعادى. ميحايل كۋكۋشكيننىڭ جولى بولمادى. فينالدىق كەزەڭگە ءوتۋ ءۇشىن ونىڭ جولىن گەرمانيالىق دومينيك كيوپفەر بوگەدى. ەسەپ – 6:2, 4:6, 2:6 كيوپفەردىڭ پايداسىنا شەشىلدى.