بۇگىن رەسپۋبليكانىڭ باسىم بولىگىنە كارسك ايماقتارىنان كەلەتىن تسيكلون اسەر ەتەدى. سونىڭ سالدارىنان نايزاعاي, جاڭبىر, سولتۇستىك-باتىسىندا قاتتى جاڭبىر كۇتىلەدى, دەپ حابارلايدى Egemen.kz.
سينوپتيكتەردىڭ مالىمەتىنشە, رەسپۋبليكانىڭ كەي جەرىندە ەكپىندى جەل, داۋىل, بۇرشاق بولجانادى. تۇندە جانە تاڭعى ۋاقىتتا ەلىمىزدىڭ سولتۇستىك-باتىسىندا جانە قيىر سولتۇستىگىندە تۇمان كۇتىلەدى. قازاقستاننىڭ وڭتۇستىك-باتىسىندا عانا جاۋىن-شاشىنسىز كۇن رايى ساقتالادى.
اتاپ ايتقاندا, قوستاناي وبلىسىنىڭ كەي جەرىندە تۇمان, داۋىل, بۇرشاق كۇتىلەدى, جەلدىڭ ەكپىنى كۇندىز 25 م/س كۇشەيەدى.
اقمولا, سولتۇستىك قازاقستان وبلىستارىندا تاڭەرتەڭ جانە كۇندىز كەي جەردە داۋىل تۇرىپ, جەلدىڭ كۇشى 25 م/س دەيىن ارتۋى مۇمكىن, بۇرشاق جاۋى ىقتيمال. سولتۇستىك قازاقستان وبلىسىندا تۇندە جانە تاڭەرتەڭ تۇمان كۇتىلەدى.
قاراعاندى وبلىسىنىڭ كەي جەرىندە داۋىل, بۇرشاق, كۇشى كۇندىز 23 م/س دەيىن جەتەتىن جەل بولجانادى.
اقتوبە وبلىسىنىڭ كەي جەرىندە داۋىل تۇرىپ, جەل 15-20 م/س كۇشەيەدى.
قىزىلوردا وبلىسىندا كۇندىز جەل 15-20, كەي جەرلەردە 23 م/س كۇشەيەدى, كەي جەردە شاڭدى داۋىل كۇتىلەدى.
كۇندىز الماتى, تۇركىستان, اتىراۋ, باتىس قازاقستان, شىعىس قازاقستان وبلىستارىنىڭ كەي جەرىندە, پاۆلودار وبلىسىنىڭ باتىسىندا جەل 15-20 م/س ارتادى.
جامبىل وبلىسىنىڭ تاۋلى اۋداندارىندا تاڭەرتەڭ جانە كۇندىز داۋىل كۇتىلەدى, بۇرشاق جاۋى ىقتيمال, كۇندىز كەي جەرلەردە جەل 15-20 م/س كۇشەيەدى.
قىزىلوردا وبلىسىنىڭ باسىم بولىگىندە, قاراعاندى, تۇركىستان وبلىستارىنىڭ كەي جەرىندە, اتىراۋ وبلىسىنىڭ وڭتۇستىگىندە, الماتى وبلىسىنىڭ باتىسىندا توتەنشە ءورت قاۋپى ساقتالادى.