قازاقستاندىق تەننيسشى تيموفەي سكاتوۆ حالىقارالىق ITF Romania F5 دوداسىنىڭ جەڭىمپازى اتاندى, دەپ حابارلادى Olympic.kz.
رۋمىنيا استاناسى بۋحارەستتە حالىقارالىق جارىس ءوز مارەسىنە جەتتى. اقتىق فينالدا قازاقستاندىق تەننيسشى يتاليالىق فرانكو اگامەنونەمەن كەزدەستى. ەكەۋارا كەزدەسۋ 6:4, 6:4 ەسەبىمەن اياقتالىپ, سكاتوۆ جەڭىسكە جەتتى.
ايتا كەتەرلىگى, بۇل جەڭىس – سكاتوۆتىڭ ەرەسەكتەر اراسىنداعى ەكىنشى جۇلدەسى.
سونداي-اق كەشە ايەلدەر تەننيس قاۋىمداستىعىنىڭ (WTA) رەيتينگىسى جاريالاندى. جاقىندا عانا US Open ءتۋرنيرىنىڭ شيرەك فينالىنا دەيىن جەتكەن قازاقستاندىق يۋليا پۋتينتسەۆا 35-تەن 30-ورىنعا كوتەرىلدى. ەلىمىزدىڭ ءبىرىنشى راكەتكاسى ەلەنا رىباكينا 17-دەن 18-گە, ال زارينا دياس 69-دان 72-ساتىعا سىرعىدى.