ەلوردادا كارانتين رەجىمىن ساقتاۋ بويىنشا رەيدتەر جالعاسۋدا, دەپ حابارلايدى Egemen.kz ەلوردا اكىمدىگىنە سىلتەمە جاساپ.
ءموبيلدى توپ 12 جانە 13 قىركۇيەكتە الماتى اۋدانىندا 20 شوب سۋبەكتىسىن تەكسەرىپ, 4 كارانتين تالاپتارىن بۇزعان نىسان انىقتادى;
بايقوڭىر اۋدانىندا 18 شوب سۋبەكتىسى تەكسەرىلىپ, 9 بۇزۋشىلىق انىقتالدى;
ەسىل اۋدانىندا 16 شوب سۋبەكتىسى تەكسەرىلىپ, 7 بۇزۋشىلىق انىقتالدى;
سارىارقا اۋدانىندا 16 نىسان تەكسەرىلىپ, 4 بۇزۋشىلىق انىقتالدى.
14 قىركۇيەكتەگى جاعداي بويىنشا, نۇر-سۇلتان قالاسىنىڭ تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتى باسقارمالارىنا اۋداندىق پوليتسيا باسقارمالارىنان كارانتيندى بۇزۋعا جول بەرگەن ادامدارعا قاتىستى 1080 ماتەريال كەلىپ ءتۇستى. قر اقبتك-ءنىڭ 425-بابى بويىنشا (حالىقتىڭ سانيتارلىق-ەپيدەميالىق سالاۋاتتىلىعى بويىنشا تالاپ بۇزۋشىلىقتار) 469 جەكە جانە زاڭدى تۇلعا اكىمشىلىك جاۋاپكەرشىلىككە تارتىلدى.