ماڭعىستاۋ وبلىسىنىڭ ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى مارينا البەكوۆا كارانتيندىك شەكتەۋ شارالارىن ساقتاماي, ءتيىستى تالاپتاردى بۇزعانى ءۇشىن اكىمشىلىك جاۋاپكەرشىلىككە تارتىلدى, دەپ حابارلايدى Egemen.kz
ماڭعىستاۋ وبلىسىنىڭ تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى حابارلاعانداي, ء ۇي اۋلاسىندا جاپپاي ءىس-شارا وتكىزۋ فاكتىسى انىقتالعان. لاۋازىمدى تۇلعا تۇسىنىكتەمە بەرۋ ءۇشىن دەپارتامەنتكە شاقىرىلىپ, اكىمشىلىك قۇقىق بۇزۋ كودەكسىنىڭ 425-بابى بويىنشا اكىمشىلىك جاۋاپكەرشىلىككە تارتىلدى.
سونىمەن بىرگە مارينا البەكوۆانىڭ تۋعان كۇندەگى ۆيدەوسى الەۋمەتتىك جەلىلەردە تاراپ كەتكەن. قر اكىمشىلىك قۇقىق بۇزۋ كودەكسىنىڭ 425-بابى 1-بولىگىنىڭ سانكتسياسىنا سايكەس تالاپتى بۇزعان لاۋازىمدى تۇلعالارعا 230 اەك نەمەسە 638 940 تەڭگە كولەمىندە ايىپپۇل سالىنۋى ءتيىس. ماڭعىستاۋ وبلىسىنىڭ تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى وبلىس اكىمدىگى مەن مەملەكەتتىك قىزمەت ىستەرى دەپارتامەنتىنە ءتيىستى حات جولداندى.