قازاقستاندا 40 مەكتەپ مۇعالىمى Microsoft كورپوراتسياسىنان سەرتيفيكاتتالعان "يننوۆاتسيالىق پەداگوگ-ساراپشى" مارتەبەسىن الدى, دەپ حابارلايدى Egemen.kz.
ءبىلىم بەرۋ سالاسىنداعى "Microsoft Innovative Education Expert" حالىقارالىق باعدارلاماسى اياسىندا قازاقستاندىق 40 مەكتەپ مۇعالىمى كونكۋرستىق ىرىكتەۋدەن ءوتىپ, Microsoft كورپوراتسياسى ىرىكتەپ العان الەمنىڭ ۇزدىك يننوۆاتسيالىق پەداگوگ – ساراپشىلارىنىڭ قاتارىنا ەندى. حالىقارالىق باعدارلامانىڭ قۇرامىنا الەمنىڭ تۇكپىر-تۇكپىرىنەن ميلليوننان استام مۇعالىمدەر كىرەدى, ولار ءححى عاسىردىڭ سۇرانىسقا يە داعدىلارىن دامىتۋعا باعىتتالعان ارىپتەستەر مەن وقۋشىلار اراسىندا ءبىلىم بەرۋدە زاماناۋي تەحنولوگيالاردى ءتيىمدى ەنگىزگەنى جانە قولدانعانى ءۇشىن Microsoft تاراپىنان تانىلدى.
بۇگىنگى تاڭدا يننوۆاتسيالاردىڭ ءرولى ءبىلىم بەرۋدىڭ جوعارى ساپاسى مەن باسەكەگە قابىلەتتىلىگىن قامتاماسىز ەتۋدە شەشۋشى بولىپ تابىلادى. قازىرگى زامانعى مۇعالىمدەرگە ءبىلىم بەرۋدىڭ يننوۆاتسيالىق جۇيەسىن يگەرۋ قاجەت, سونىمەن قاتار وزدەرىنىڭ جانە وقۋشىلارىنىڭ تسيفرلىق داعدىلارى مەن قابىلەتتەرىن ارتتىرۋى, ءبىلىم بەرۋ پروتسەسىندە زاماناۋي تسيفرلىق تەحنولوگيالاردى قولدانۋى كەرەك, بۇل وقىتۋدىڭ جوعارى ساپاسى مەن ءبىلىم بەرۋدىڭ قول جەتىمدىلىگىن قامتاماسىز ەتەدى. Microsoft ءبىلىم بەرۋ سالاسىندا عالامشارداعى ءاربىر وقۋشىعا ۇلكەن جەتىستىككە جەتۋگە كومەكتەسەدى. مۇعالىمدەرگە ارنالعان كاسىبي دامۋ باعدارلامالارىندا Microsoft ءوز جۇمىسىندا ءبىلىم بەرۋدەگى ساندىق وزگەرىستى العا جىلجىتاتىن, ءوز ماماندىقتارىنداعى جاڭالىقتاردى ۇنەمى ۇيرەنىپ, دامىپ, ستۋدەنتتەردىڭ ءومىرىن شابىتتاندىرۋ جانە وزگەرتۋ ءۇشىن بىرگە جۇمىس ىستەيتىن وركەندەگەن حالىقارالىق مەكتەپ مۇعالىمدەرىنىڭ قاۋىمداستىعىن بەلسەندى قولدايدى. 2020 جىلدىڭ جازىندا كومپانيا يننوۆاتسيالىق پەداگوگ – ساراپشىلاردى سەرتيفيكاتتاۋ مەن دامىتۋدىڭ "Microsoft Innovative Education (MIE) Expert 2020-2021" حالىقارالىق باعدارلاماسىنا قازاقستان مەكتەپتەرىنىڭ جىل سايىنعى بايقاۋىن جانە مۇعالىمدەرىن قابىلداۋدى جاريالادى. قازاقستانداعى مۇعالىمدەردەن كونكۋرستىق ىرىكتەۋگە قاتىسۋعا بارلىعى 1500-دەن استام ءوتىنىم ءتۇستى.
"Microsoft Innovative Educator (MIE) Expert باعدارلاماسىنان وتكەن مۇعالىمدەر ءوز وقۋشىلارىن وقىتۋدا ساپالى, يننوۆاتسيالىق ادىستەرىن قولدانۋدا جەتەكشى مۇعالىمدەر بولىپ تابىلادى, ولار ۇنەمى كاسىبي دامۋدىڭ زاماناۋي تاسىلدەرىن ىزدەيدى. ولار ستۋدەنتتەرگە بولاشاق وقۋدا, ومىردە جانە مانساپتا جەتىستىككە جەتۋگە باعىتتالعان داعدىلارىن دامىتۋعا شابىتتاندىرادى جانە كومەكتەسەدى", دەپ اتاپ ءوتتى Microsoft قازاقستان ءبىلىم بەرۋ ءبولىمىنىڭ باسشىسى نۇرلان جانىبەك.
"Microsoft Innovative Education (MIE) Expert" يننوۆاتسيالىق پەداگوگ – ساراپشىلاردى سەرتيفيكاتتاۋ جانە دامىتۋدىڭ حالىقارالىق باعدارلاماسى مۇعالىمدەرگە جىل بويى قول جەتىمدى, بىراق رەسمي ىرىكتەۋ ءار جىلدىڭ جازىندا بايقاۋ قورىتىندىلارى جاريالانىپ وتكىزىلەدى.
ۇمىتكەرلەردى Microsoft ايماقتىق وكىلدەرى ءبىلىم بەرۋ سالاسىندا كونكۋرستىق ىرىكتەۋدىڭ ارنايى كريتەريلەرى نەگىزىندە ىرىكتەدى, ولار: ۇسىنىلعان ساۋالناماداعى جاۋاپتاردىڭ مازمۇنى مەن ساپاسى, وقۋ پروتسەسىندە ءبىلىم بەرۋ ءۇشىن Microsoft تەحنولوگياسىنىڭ جاڭاشىلدىعى مەن قولدانىلۋ دەڭگەيى; سونداي-اق ۇمىتكەر ءوزىنىڭ جاۋاپتارىندا ونىڭ باعدارلاماعا قاتىسۋى وقۋشىلاردىڭ دامۋىنا جانە ءوزىنىڭ كاسىبي جەتىلۋىنە قالاي اسەر ەتۋىن قانشالىقتى ەگجەي-تەگجەيلى سيپاتتاعانى.
يننوۆاتسيالىق ساراپشى-وقىتۋشىلاردىڭ بىلىكتىلىگى مەن مانساپتىق وسۋىنە Microsoft كوپتەگەن مۇمكىندىكتەر ۇسىنادى. ولار يننوۆاتسيالاردى قامتۋدى كەڭەيتۋ ءۇشىن الەمگە ايگىلى وقىتۋشىلارمەن جانە ماماندارمەن تاجىريبە بولىسە الادى, Microsoft ساندىق قوسىمشالارىن جاساۋشىلارمەن فوكۋس-توپتارعا جانە جاڭا فۋنكتسيالاردى تەستىلەۋگە قاتىسا الادى; Microsoft كومانداسىمەن بىرگە ءبىلىم بەرۋ سالاسىنداعى ءتۇرلى ءىس-شارالارعا, سونداي-اق Microsoft حالىقارالىق ۆەبينارلارىنا قاتىسا الادى. مۇعالىمدەر پرەزەنتاتسيالار مەن باياندامالار, ترەنينگتەر جانە (نەمەسە) كوۋچينگ وتكىزۋ, سونداي - اق ارىپتەستەرىن Microsoft ءبىلىم بەرۋ قوعامداستىعىنا قاتىسۋعا شاقىرۋ ارقىلى ءوز تاجىريبەلەرىمەن بولىسە الادى جانە ارىپتەستەرىنىڭ-باسقا وقىتۋشىلاردىڭ (مەكتەپتە, وكرۋگتە نەمەسە وقۋ ءىس-شارالارىندا) بىلىكتىلىگىن ارتتىرۋعا قاتىسا الادى.
"قازاقستان ەگەمەندى مەملەكەتىنىڭ مۇعالىمى رەتىندە مەنى وقۋشىلاردى تاۋەلسىز بولۋعا, ءبىلىم الۋعا جانە ەرتەڭگى كۇنگە باعدارلاۋعا ۇيرەتۋ ءۇشىن نە ىستەي الامىن دەگەن سۇراق قاتتى الاڭداتادى. بۇگىنگى تاڭدا زاماناۋي تەحنولوگيالاردى, اۋديوۆيزۋالدى قۇرالداردى, ينتەرنەت – رەسۋرستاردى, ەلەكتروندى وقۋلىقتاردى قولدانۋ وقۋلىق شەڭبەرىن كەڭەيتۋگە, ونى بەينەلى تۇردە ۇسىنۋعا, وقۋشىلاردىڭ تانىمدىق بەلسەندىلىگىن ارتتىرۋعا, ساباقتاردى جوعارى ەستەتيكالىق دەڭگەيدە وتكىزۋگە مۇمكىندىك بەرەدى. ءبىزدىڭ ماقساتىمىز - وقۋشىلاردى وقۋعا ۇيرەتۋ, تاۋەلسىزدىككە ۇيرەتۋ, ءبىلىم الۋعا ۇيرەتۋ", دەپ اتاپ ءوتتى يسكاكوۆا ديليارا احمەتحانقىزى, Microsoft (MIE) يننوۆاتسيالىق پەداگوگ-ساراپشىسى, باستاۋىش سىنىپ مۇعالىمى, "شوقان ءۋاليحانوۆ اتىنداعى جەكە مەنشىك مەكتەپ".
بيىل الەمنىڭ تۇكپىر-تۇكپىرىنەن 20 000-نان استام مۇعالىم "Microsoft Innovative Education (MIE) Expert 2020-2021" باعدارلاماسى بويىنشا كونكۋرستىق ىرىكتەۋدەن ءوتتى. باعدارلامانى كونكۋرستىق ىرىكتەۋ جەڭىمپازدارىنىڭ حالىقارالىق تىزىمىمەن وسى سىلتەمە بويىنشا تانىسۋعا بولادى.