14-29 قىركۇيەك ارالىعىندا جالپى ءبىلىم بەرۋ ۇيىمدارىنىڭ پەداگوگتەرى ءۇشىن ۇلتتىق بىلىكتىلىك تەستىلەۋى وتەدى, دەپ حابارلايدى Egemen.kz مينيسترلىكتىڭ ءباسپاسوز قىزمەتىنە سىلتەمە جاساپ.
بۇگىننەن باستاپ, ياعني 14 قىركۇيەكتەن 29 قىركۇيەككە دەيىن جالپى ءبىلىم بەرۋ ۇيىمدارىنىڭ پەداگوگتەرى ءۇشىن ۇلتتىق بىلىكتىلىك تەستىلەۋ باستالدى. ودان كەيىن ۇلتتىق بىلىكتىلىك تەستىلەۋ مەكتەپكە دەيىنگى ءبىلىم بەرۋ, قوسىمشا ءبىلىم بەرۋ, تەحنيكالىق جانە كاسىپتىك ءبىلىم بەرۋ ۇيىمدارىنىڭ پەداگوگتەرى جانە ءبىلىم بەرۋ ۇيىمدارىنىڭ باسشىلارى ءۇشىن وتەتىن بولادى.