كولىك پوليتسەيلەرى شىمكەنت اۋەجايىندا اكىمشىلىك قۇقىقبۇزۋشىلىق جاساعان ەكى ەر ازاماتتى اۋە رەيسىنەن ءتۇسىردى, دەپ حابارلايدى Egemen.kz كولىكتەگى پوليتسيا دەپارتامەنتىنىڭ ءباسپاسوز قىزمەتىنە سىلتەمە جاساپ.
12 قىركۇيەك كۇنى ساعات 23:55-تە شىمكەنت قالالىق اۋەجايىنىڭ جەلىلىك پوليتسيا بولىمشەسىنە "Fly Arystan" اۋەكومپانياسىنىڭ وكىلىنەن شىمكەنت – نۇر-سۇلتان باعىتىنداعى رەيستىڭ سالونىندا قۇقىقبۇزۋشىلاردىڭ بار ەكەندىگى تۋرالى حابارلاما تۇسكەن.
كولىك پوليتسەيلەرى تەكسەرۋ بارىسىندا ورىن ءۇشىن تۋعان جانجال كەزىندە وزدەرىن دورەكى ۇستاپ, قوعامدىق ورىندا بالاعات سوزدەر ايتقان 34 جانە 40 جاستاعى ەكى ازاماتتى انىقتادى. اكت بويىنشا ەكى قۇقىقبۇزۋشى ۇشاقتان ءتۇسىرىلدى.
اتالعان فاكت بويىنشا قر اقبتك-ءنىڭ ەكى بىردەي بابىمەن, اتاپ ايتقاندا قر اقبتك-ءنىڭ 434 بابى 1 بولىگىمەن, ياعني ۇساق بۇزاقىلىق جانە قر اقبتك-ءتىڭ 566 بابىمەن, ياعني ۇشاقتا مىنەز-ق ۇلىق قاعيدالارىن بۇزۋ بويىنشا اكىمشىلىك حاتتامالار تولتىرىلدى.
ولارعا 3 اەك كولەمىندە ايىپپۇل سالىندى. ۇساق بۇزاقىلىق بويىنشا ماتەريال شىمكەنت قالالىق ماماندىرىلعان اۋدانارالىق سوتىنا جولداندى.