تۇركىستان وبلىستىق "جاستار رەسۋرستىق ورتالىعى" جاستار اراسىندا تاريحي مەكەندەر مەن مۇراجايلارعا قىزىعۋشىلىقتارىن ارتتىرۋ ماقساتىندا تىڭ جوباسىن جۇزەگە اسىرۋدا. اتاپ ايتقاندا, "مەنمۇڭدالانعان مۋزەيلەر" جوباسى اياسىندا ونلاين ساياحاتتار ۇيىمداستىرىلىپ وتىر, دەپ حابارلايدى Egemen.kz وبلىس اكىمىنىڭ ءباسپاسوز قىزمەتىنە سىلتەمە جاساپ.
ونلاين ساياحات بارىسىندا وتىرار اۋدانى ءشامشى اۋىلىندا جۋىردا عانا اشىلعان, قازاق ءان الەمىنىڭ پاديشاسى ءشامشى قالداياقوۆقا ارنالعان ء"شامشى ءۇيى" مۇراجايىنان تىكەلەي ءتۇسىرىلىم كورسەتىلدى. وقىرماندارعا كومپوزيتوردىڭ ءومىر جولى مەن بولمەسىندەگى ءاربىر زاتى تۋرالى قىزىقتى دەرەكتەرى ايتىلدى.
ونلاين ساياحاتتى 5000-عا جۋىق جاس تاماشالاپ, قىزىقتىرعان دۇنيەلەر تۋرالى سۇراقتارىن قويدى. بۇل باستاما الداعى ۋاقىتتا دا جاڭا فورماتتارمەن ۇيىمداستىرىلاتىن بولادى.
"اپتا سايىن وبلىستاعى تاريحى تەرەڭ, قويناۋى كەڭ مۇراجايلاردىڭ ىشىنە ساياحات جاساپ, ونداعى قۇندىلىقتارمەن جەكەلەي تانىستىرۋدى قولعا الدىق. بۇل جوبانىڭ ءبىر ەرەكشىلىگى – سمارتفون ارقىلى-اق مۋزەي ءىشىن ارالاۋعا بولاتىنى جانە ونداعى اقپاراتتاردىڭ جەلىدە ساقتالاتىنى", – دەدى تۇركىستان وبلىستىق جاستار رەسۋرستىق ورتالىعىنىڭ باسشىسى امالبەك ءومىرتاي .
جوبا اياسىندا تۇركىستان قالاسى تاريحي-مادەني ەتنوگرافيالىق مۋزەيگە قاراستى ن.وڭداسىنوۆ جانە ن.تورەقۇلوۆ پەن س.ەرۋباەۆ اتىنداعى مۇراجايلاردان تىكەلەي ەفير جۇرگىزىلىپ, جەلى وقىرماندارىنا رۋحاني دەمالىس ۇيىمداستىرىلدى.