كەشە پارلامەنت سەناتىنىڭ توراعاسى, الەمدىك جانە ءداستۇرلى دىندەر ليدەرلەرى سەزى حاتشىلىعىنىڭ باسشىسى قاسىم-جومارت توقاەۆ الماتىدا قازاقستانداعى ورىس پراۆوسلاۆيە شىركەۋىنىڭ استانا جانە الماتىداعى ميتروپوليتى الەكساندرمەن كەزدەستى, دەپ حابارلادى وسى پالاتانىڭ ءباسپاسوز قىزمەتى.
كەزدەسۋ بارىسىندا وسى زامانعى مەملەكەت پەن قوعامدىق ومىردەگى ورىس پراۆوسلاۆيە شىركەۋىنىڭ ءرولى, رۋحاني دامۋ, تۇراقتىلىقتى قامتاماسىز ەتۋ جانە ازاماتتاردى ادامگەرشىلىككە تاربيەلەۋ تۋرالى پىكىر الماسىلدى.
توراعا ميتروپوليت الەكساندردى الەمدىك جانە ءداستۇرلى دىندەر ليدەرلەرى ءىىى سەزىنىڭ قورىتىندىلارى جانە كەزەكتى ءدىني جيىندى 2012 جىلى استانادا وتكىزۋ جوسپارى تۋرالى حاباردار ەتتى.