2021 جىلدىڭ قاڭتار ايىنان باستاپ "قۇقىق قورعاۋ ورگاندارى تۋرالى" زاڭعا ەنگىزىلگەن وزگەرىستەر كۇشىنە ەنەدى, دەپ حابارلايدى Egemen.ءkz ىىم ءباسپاسوز قىزمەتىنە سىلتەمە جاساپ.
بۇل وزگەرىستەر نەگىزىنەن ىشكى ىستەر ورگاندارىنا قىزمەتكە قابىلداۋ تارتىبىنە قاتىستى. جاڭا ءتارتىپ بويىنشا ءىىو-ىنا قاتارداعى, كىشى جانە ورتا باسشىلىق قۇرام لاۋازىمدارىنا باستاپقى كاسىبي دايارلاۋ ارقىلى ىرىكتەۋ ءتارتىبى وڭايلانىپ, كونكۋرستى جانە سىناق مەرزىمىن الىپ تاستاۋ جولىمەن قىزمەتكە قابىلداۋ مەرزىمى قىسقارادى.
سونداي-اق ىشكى ىستەر ورگاندارىنىڭ باسشىلارىنا قويىلاتىن تالاپتار دا قاتاڭداتىلدى. قىزمەتكە قابىلداۋدىڭ جاڭا ءتارتىبى ءىىم كادر ساياساتى دەپارتامەنتى ۇيىمداستىرعان ارنايى سەمينار بارسىندا ءتۇسىندىرىلدى. بۇل سەمينارعا ءىىو-نىڭ وڭىرلىك دەپارتامەنتتەر باسشىلارىنىڭ كادر ساياساتىن جۇرگىزەتىن ورىنباسارلارى جانە ءىىم, تجك, قاجك, مكقب ءبىلىم ۇيىمدارى باسشىلارىنىڭ ورىنباسارلارى, سونداي-اق كادر بولىمشەلەرىنىڭ جەكە قۇرامى قاتىستى. ءىىو-ىنا قىزمەتكە قابىلداۋ كونكۋرستىق نەگىزدە جۇرگىزىلەدى. بىراق بۇل ءتارتىپ باستاپقى كاسىپتىك دايارلىقتان وتكەندەرگە قولدانىلمايدى.
كونكۋرستىق نەگىزدە:
قىزمەتكە كونكۋرستىق نەگىزدە قابىلداۋ ورتا جانە جوعارى باسشىلىق قۇرام لاۋازىمدارىنا جۇرگىزىلەدى.
تاعىلىمداما 1 ايدان كەم ەمەس.
تاعىلىمداما اياقتالعان سوڭ ۇمىتكەر سىناق مەرزىمىمەن لاۋازىمىنا تاعايىندالادى.
باسشىلىق قىزمەتكە تاعايىندالاتىن ادامدارعا سىناق مەرزىمى بەلگىلەنبەيدى.
باستاپقى كاسىبي دايىندىق ارقىلى: باستاپقى كاسىبي دايارلىق ارقىلى قىزمەتكە قابىلداۋ قاتارداعى, كىشى جانە ورتا باسشىلىق قۇرام لاۋازىمدارىنا جۇزەگە اسىرىلادى.
باستاپقى كاسىپتىك دايارلىققا قابىلداۋ تۋرالى بۇيرىق تىڭداۋشىنى تاعىلىمدامادان ءوتۋشى رەتىندە قابىلداۋعا نەگىز بولىپ تابىلادى. باستاپقى كاسىبي دايارلىق اياقتالعاننان كەيىن ءبىر اي كولەمىندە سىناق مەرزىمى بەلگىلەنبەستەن لاۋازىمعا تاعايىندالادى.
"قازىرگى ۋاقىتتا پوليتسيا جۇرتشىلىقپەن تىعىز ءوزارا بايلانىس جاساۋدىڭ جاڭا فورماتىنا كوشۋ قاجەت. جاڭا فورماتتا كورسەتىلگەن تالاپتار ءاربىر پوليتسيا قىزمەتكەرىنە تۇرعىندارمەن اشىق اڭگىمە جۇرگىزۋگە ۇيرەنۋى مىندەتتى ەكەنىن بىلدىرەدى. كادرلاردى دايارلاۋ جانە ىرىكتەۋ جۇيەسىندەگى وسىنداي ۇستانىمدارعا باسىمدىق بەرىلۋى ءتيىس", دەپ اتاپ ءوتتى ءىىم كادر ساياساتى دەپارتامەنتىنىڭ باستىعى ايدار سايتبەكوۆ.