نۇر-سۇلتان قالاسى قوعامدىق دەنساۋلىق ساقتاۋ باسقارماسى كوروناۆيرۋس ىندەتىنە, سونىمەن قوسا تۇماۋ جانە جرۆي سياقتى ماۋسىمدىق اۋرۋلار سانىنىڭ كوبەيۋىن ەسكەرە وتىرىپ, دايىندىق جۇمىستارىن جۇرگىزۋدە, دەپ حابارلايدى Egemen.kz ەلوردا اكىمدىگىنىڭ ءباسپاسوز قىزمەتىنە سىلتەمە جاساپ.
جالپى, بۇگىندە قالادا ەپيدەميالىق جاعداي تۇراقتى. قوعامدىق دەنساۋلىق ساقتاۋ باسقارماسى كۇزگى-قىسقى كەزەڭدە COVID-19-دى الدىن الۋ جانە ەمدەۋ بويىنشا ءىس-شارالار جوسپارىن قالالىق اكىمدىكپەن دايىنداپ, بۇگىندە بەكىتتى.
العاشقى مەديتسينالىق-سانيتارلىق كومەك ۇيىمدارىنىڭ دەڭگەيىندە COVID-19 سيمپتومسىز جانە اۋرۋى جەڭىل بولىپ كەلەتىن, سونداي-اق ىندەت جۇقتىرعاندارمەن بايلانىسقا تۇسكەن ادامدارعا ناۋقاستاردى قاشىقتىقتان باسقارۋ بويىنشا جۇمىس ۇيىمداستىرىلادى. كۆي جانە پنەۆمونيامەن اۋىراتىن ناۋقاستارعا ءۇي جاعدايىنداعى اۋرۋحانالار ۇيىمداستىرۋ, سونداي-اق ولارعا اقىسىز ءدارى-دارمەكتەر بەرۋ قاراستىرىلعان.
"قالانىڭ بارلىق ەمحانالارىندا ءموبيلدى توپتاردىڭ جۇمىسى ناۋقاستارعا ۇيگە بارۋ ارقىلى قىزمەت كورسەتۋ جۇمىسى ۇيىمداستىرىلدى. ىندەتكە كۇدىكتى ناۋقاستاردان ت.س.س. كوروناۆيرۋستىق ينفەكتسياعا ۇيدەن پتسر تەست الۋ قاراستىرىلعان. ولاردىڭ سانى 207-ءنى قۇرايدى", دەدى دەنساۋلىق ساقتاۋ باسقارماسى باسشىسىنىڭ ورىنباسارى ءاليا رۇستەموۆا.
قالالىق ەمحانالاردا الەۋمەتتىك اراقاشىقتىقتى ەسكەرە وتىرىپ پاتسيەنتتەر ءۇشىن كۇتۋ بولمەلەرى, رەسپيراتورلى اۋرۋلارى بار ناۋقاستاردى قابىلداۋ ءۇشىن فيلتر كابينەتتەردى ۇيىمداستىرۋ قاراستىرىلعان.
قاۋىپتى توپتاعى ناۋقاستاردى (گيپەرتونيا, قانت ديابەتى, كورونارلىق ارتەريا اۋرۋى, استما جانە باسقالارى) تۇراقتى تۇردە باقىلاۋ ءموبيلدى توپتاردى تارتۋىمەن جالعاساتىنىن اتاپ وتكىمىز كەلەدى. ناۋقاستارلى جوسپرالى تۇردە قابىلداۋ مىندەتتى الدىن الا جازىلۋ ارقىلى جۇزەگە اسىرىلادى.