كۇن سايىن فرانتسيادا 4 مىڭنان 9 مىڭعا دەيىن كوروناۆيرۋس جۇقتىرۋ دەرەگى تىركەلىپ كەلەدى, دەپ حابارلايدى Egemen.kz حابار 24-كە سىلتەمە جاساپ.
سانيتارلىق قىزمەتتەر ءار وقيعانى تەرگەپ, ناۋقاستارمەن بايلانىستا بولعانداردى تەستىلەپ, وقشاۋلاندىرادى. ەل پرەمەر-ءمينيسترى جان كاستەكس تە ولاردىڭ قاتارىنا ىلىگىپ قالدى. وتكەن سەنبىدە ول "تۋر دە فرانس" ديرەكتورى كريستيان پريۋدوممەن ءبىر اۆتوكولىككە مىنگەن ەدى. ال بىرنەشە كۇن وتىسىمەن ۆەلوسايىس جەتەكشىسى ۆيرۋسقا شالدىققانى انىقتالدى. فرانتسيا پرەمەر-ءمينيسترى بىردەن ءوز ەركىمەن كارانتينگە جاتاتىنىن مالىمدەدى. ونىڭ العاشقى تاپسىرعان تەستى اۋرۋ جۇقپاعانىن كورسەتتى.
دەگەنمەن, ەكىنشى تەست تاپسىرعانعا دەيىن جان كاستەكس بىرنەشە كۇن قاشىقتان جۇمىس ىستەيتىن بولدى. ال وزگە مينيسترلەر شۇعىل تۇردە تەكسەرۋدەن ءوتۋى ءتيىس. ءتىپتى پرەزيدەنت ماكروننىڭ دا تەست تاپسىرۋىنا تۋرا كەلەدى.
ەممانيۋەل ماكرون, فرانتسيا پرەزيدەنتى: "ناۋقاسپەن بايلانىستا بولساق, ءبىز حاتتاما شارتتارىن ورىندايمىز. ەگەر ۆيرۋس جۇققانى انىقتالسا, ونىمەن قاتىناستا بولعاندار وقشاۋلانىپ, تەست تاپسىرۋى ءتيىس. ال اۋرۋدان امان بولسا, قاۋىپسىزدىك شارالارىن ساقتاپ, قالىپتى جۇمىسىنا ورالادى. پرەمەر-مينيستر حاتتاما شارتتارىن ورىندادى, ءبىز دە ازاماتتارىمىزعا قويىلعان ەرەجەلەرگە باعىنامىز", دەيدى ول.