ماسكا تاعۋ جانە الەۋمەتتىك قاشىقتىقتى ساقتاۋ ەرەجەلەرى الماتىلىقتاردىڭ كۇندەلىكتى ادەتىنە اينالۋى ءتيىس. بۇعان دەيىن وڭىرلىك كوممۋنيكاتسيالار قىزمەتى الاڭىندا وتكەن ونلاين بريفينگ بارىسىندا, Jas Otan جاستار قاناتىنىڭ الماتى قالالىق فيليالىنىڭ جەتەكشىسى ءمادي احمەتوۆ پەن "قازاقستان ەرىكتىلەرى ليگاسى" قق الماتى فيليالىنىڭ ءتورايىمى باعدات انارباەۆا الماتىلىقتارعا كارانتين شارالارىنىڭ جەڭىلدەگەنىنە قاراماستان, قالانىڭ باس سانيتار دارىگەرىنىڭ تالاپتارىن ساقتاۋدى سۇرايدى, دەپ حابارلايدى Egemen.kz.
"ەلىمىزدىڭ پرەزيدەنتى كوروناۆيرۋس ينفەكتسياسىمەن كۇرەس الداعى ەكى جىل بويى جالعاساتىنىن ناقتى اتاپ ءوتتى. الماتىدا كارانتين تالاپتارى بىرتىندەپ جەڭىلدەپ كەلە جاتقانىن بىلەمىز, بىراق وسىعان قاراماستان كۇن سايىن قورعانىس شارالارىن قاتاڭ ۇستانۋىمىز كەرەك: الەۋمەتتىك قاشىقتىقتى ساقتاۋ, مەديتسينالىق ءبىر رەتتىك ماسكا تاعۋ, قولدى ءجيى جۋ. بۇل ەرەجەلەر الماتىلىقتاردىڭ كۇندەلىكتى ادەتەرىنە اينالۋى ءتيىس. ءبىز ءوز دەنساۋلىعىمىزدى, جاقىندارىمىزدىڭ دەنساۋلىعىن قورعاۋىمىز كەرەك. مەن جاستاردى بارلىق سانيتارلىق شارالاردى ساقتاۋعا شاقىرامىن", - دەدى ءمادي احمەتوۆ.
"قازاقستان ەرىكتىلەر ليگاسى" قق الماتى فيليالىنىڭ ءتورايىمى باعدات انارباەۆا ارىپتەسىن قولداپ, قالالىقتاردى ءوز دەنساۋلىعىنا جاۋاپكەرشىلىكپەن قاراۋعا شاقىردى.
ء"بىز الماتى قالاسىنىڭ ەرىكتىلەرى رەتىندە مونيتورينگ توپتارىمەن بىرلەسە وتىرىپ, تۇرعىنداردىڭ قاۋىپسىزدىگى ءۇشىن ۇلكەن ءتۇسىندىرۋ جۇمىستارىن جۇرگىزەمىز. بارلىق تۇرعىندارعا, وقىرماندارعا, تىڭداۋشىلارعا تاعى دا حابارلاعىم كەلەدى: جاقىندارىمىزدىڭ, تۋىستارىمىزدىڭ, اينالامىزداعى ادامداردىڭ جانە ءبىزدىڭ قاۋىپسىزدىگىمىز-ءوزىمىزدىڭ قولىمىزدا. سوندىقتان كارانتين رەجيمىن, سانيتارلىق نورمالاردى, الەۋمەتتىك قاشىقتىقتى ساقتاۋ, ماسكا تاعۋ, قولدى انتيسەپتيكپەن وڭدەۋ, قولدى ءجيى جۋ ءبىزدى جانە جاقىندارىمىزدى وسى اۋرۋدان قورعايدى", - دەپ تولىقتىردى باعدات انارباەۆا.
ەستەرىڭىزگە سالا كەتەيىك, الماتى قالاسىنىڭ اكىمدىگى كارانتيننىڭ العاشقى كۇندەرىنەن باستاپ (2020 جىلعى 16 ناۋرىز) جاستار لوفت-ورتالىعى بازاسىندا جەدەل ۆولونتەرلىك شتاب قۇردى. ونىڭ قۇرامىنا قالا ەرىكتىلەرى, مەديتسينا جانە قوعامدىق ۇيىمدار كىردى. قالا بويىنشا مىڭعا جۋىق ەرىكتى جۇمىس ىستەيدى. ونىڭ ىشىندە شتابتا تۇراقتى قىزمەت ەتەتىن 100 ەرىكتى ساقتىق شارالاردى ۇستانۋ, تازالىقتى ساقتاۋ, كوروناۆيرۋس تاراعان كەزدە جاسى ۇلكەن كىسىلەرمەن سويلەسۋ ءتارتىبىن ۇيرەتەتىن ارنايى كۋرستان ءوتتى.
قازىرگى تاڭدا ەرىكتىلەر كوپبالالى جانە از قامتىلعان 193 وتباسىعا ماسكا تاراتتى. 166 نىساندا قوعامدىق موريتورينگ جۇرگىزىلىپ, 80 نىساندا ءتارتىپ بۇزۋشىلىق انىقتالدى. وسىعان ساي اتقارۋشى ورگاندار ءتيىستى شارالار ( جۇمىس ىستەۋىنە شەكتەۋ قويىلعان ساۋدا- ساتتىق نىساندارى) قولداندى. 6250 تۇرعىنعا اقپاراتتىق- تۇسىندىرمە جۇمىستارى 8(727)2791691 تەلەفونى ارقىلى جۇرگىزىلدى. كۇندەلىكتى 100- گە جۋىق قوڭىراۋعا جاۋاپ بەرىلەدى.