جىل باسىنان بەرى مەملەكەتتىك ەڭبەك ينسپەكتورلارى رەسپۋبليكانىڭ 835 كاسىپورىندا 25 مىڭ جۇمىسكەر الدىندا جالاقى بويىنشا 2,6 ملرد تەڭگەدەن اسا قارىزى بار ەكەنىن انىقتادى, دەپ حابارلايدى Egemen.kz.
اتالعان كاسىپورىنداردىڭ جەتەكشىلەرىنە ورىندالۋعا مىندەتتى 484 نۇسقاما بەرىلىپ, 67,8 ملن تەڭگەدەن استام سوماعا ايىپپۇل سالىندى.
قولدانىلعان شارالاردىڭ ناتيجەسىندە, سونىمەن قاتار, جالاقى بويىنشا قارىزدى وتەۋدىڭ مەرزىمى مەن كەستەسىن قاتاڭ بەلگىلەۋ ارقىلى 24,5 مىڭنان استام جۇمىسكەردىڭ قۇقىعى قورعالىپ, ناتيجەسىندە ولارعا 2,5 ملرد تەڭگە تولەندى.
جالپى, جوعارىدا كورسەتىلگەن كەزەڭدە مەملەكەتتىك ەڭبەك ينسپەكتورلارى 2,6 مىڭ تەكسەرۋ جۇرگىزدى. 3,7 مىڭنان اسا قر ەڭبەك زاڭناماسىن بۇزۋ فاكتىلەرىن انىقتالىپ, 124,6 ملن تەڭگە سوماعا ايىپپۇل سالىندى.