ۇشاقتا مەديتسينالىق بەتپەردە تاعۋ مىندەتتەلەگەنىن كولىكتەگى باس مەملەكەتتىك سانيتارلىق دارىگەر سادۋاقاس بايعابىلوۆ ەسكەرتىپ ءوتتى, دەپ حابارلايدى Egemen.kz
ەلىمىزدىڭ كولىكتەگى باس مەملەكەتتىك سانيتارلىق دارىگەرى سادۋاقاس بايعابىلوۆ قازاقستاندىقتاردى ۇشاق بورتىندا الەۋمەتتىك قاشىقتىق پەن بەتپەردە رەجىمىن ساقتاۋعا شاقىردى. ەسكەرتۋلەر ورىندالماعان جاعدايدا, ءتارتىپ بۇزۋشىلارعا ايىپپۇل سالىناتىنىن ەسكە سالدى.
"وتاندىق جانە شەتەلدىك اۋە كومپانيالارى ۇشاقتاردا قاۋىپسىزدىك جۇيەسىنىڭ تولىق ساقتالۋىنا مۇددەلى بولىپ وتىر. الايدا, وتانداستارىمىز ۇشاق بورتىندا كارانتين تالاپتارىن ساقتاماي, سول ارقىلى قاۋىپتى جاعدايدىڭ تۋىنداۋىنا جول بەرۋدە. مىسالى, بۇگىن اۋە كەمەسىنىڭ بورتىنا مىنەردە بەتپەردە تاعۋدان باس تارتقان ەكى جولاۋشى 30 اەك (83 340 تەڭگە) كولەمىندە ايىپپۇل تولەۋ تۇرىندە اكىمشىلىك جاۋاپكەرشىلىككە تارتىلدى", دەيدى س.بايعابىلوۆ.
اسىرەسە اۋرۋ جۇقتىرۋ قاۋپى اۋە كەمەسىنىڭ ىشىندە, جولاۋشىلاردى بورتتان ءتۇسىرۋ ءۇشىن كەزەككە تۇرعان كەزدە ءجيى بولىپ جاتادى.
كولىكتەگى باس مەملەكەتتىك سانيتارلىق دارىگەردىڭ ايتۋىنشا, شەتەلدە جولاۋشىلار اۋە بورتىنا مىنەر كەزدە ەرەجەلەردى تۇيسىكتەرىنە مىقتاپ ۇستانىپ جۇرەدى. ال بىزدە جاعداي كەرىسىنشە ەكەنىن جانە كوپ شاعىم تۇسەتىنىن ايتىپ ءوتتى.
وسى اپتادا ۇشاقتان شىعۋ كەزىندە الەۋمەتتىك قاشىقتىقتى ساقتامايتىن جولاۋشىلارعا ايىپپۇل سالۋ كۇشەيتىلەتىنىن دە ەسكە سالدى.