اڭشىلىق ماۋسىمى باستالدى

وڭىردە 5 قىركۇيەكتەن باستاپ كۇزگى اڭشى­لىق ماۋسىمى باستالدى. بەكىتىلگەن اڭشىلىق القاپ­تارىندا اڭ اۋلاۋدىڭ كۇزگى ماۋسىمى 30 قارا­شاعا دەيىن جالعاسادى. جالپى, اۋماقتىق ينس­پەكتسيانىڭ مالىمەتىنشە, ۇيرەك, قاز, ءشىل, شال­شىقتى بودەنە, كوگەرشىن قۇستارىن اۋلاۋعا 5 قىركۇيەكتەن 30 قاراشاعا دەيىن, بورسىق پەن قابان اۋلاۋعا 5 قىركۇيەكتەن 31 جەلتوقسانعا دەيىن, قويان, قارساق اۋلاۋدىڭ قىسقى ماۋسىمى 1 قا­راشادان 15 اقپانعا دەيىن, ءسىبىر ەلىگىن 20 قىر­­كۇيەكتەن 31 جەلتوقسانعا دەيىن الۋعا رۇقسات بەرىلەدى.

ەكولوگيا, گەولوگيا جانە تابيعي رەسۋرستار مينيسترلىگىنىڭ 2020 جىلعى 5 ماۋسىمداعى بۇيرىعىنا سايكەس, 2020 جىلعى 1 شىلدەدەن باستاپ 2021 جىلعى 1 شىلدەگە دەيىنگى كەزەڭدە وڭىردە ءسىبىر ەلىگى, قابان, سۋىر, سۋ تىشقانى, تۇل­كى, قارساق, بورسىق, قاز, ۇيرەك الۋعا ارنايى لي­ميت­تەر بەكىتىلىپتى.

قازىر وڭىردە سۇتقورەكتىلەردىڭ 20 ءتۇرى جانە قۇستاردىڭ 60 ءتۇرى مەكەندەيدى. قابان, ەلىك, قاسقىر, قويان, تۇلكى, قارساق, دالا ساسىقكۇزەنى, بورسىق, سۋىر, سۋ تىشقانى, ۇيرەك, قاز, قاسقالداق, ءشىل, قۇر, بودەنە اۋلاۋدا اڭشىلىق جولدامادا كورسەتىلگەن جانۋارلاردىڭ سانىنا عانا رۇقسات بەرىلەدى. ارينە ءار نارسەنىڭ ولشەمى بار. تابيعات بايلىعىن قورعاۋ, تىنىش­تىعىن ساقتاۋ – مىندەت. ەرەجەگە باعىنباي, اڭ اۋلاۋ ءتارتىبىن بۇزۋشىلارعا جاۋاپكەرشىلىك جۇكتەلەدى. ياعني, اڭشى كۋالىگى, جانۋارلار دۇنيەسىن پايدالانۋعا بەرىلگەن رۇقساتناما, اڭشىلىق شا­رۋاشىلىعى نىسانىنىڭ جولداماسى, جەكە اڭ­شىلار ءۇشىن قارۋ مەن وقتاردى ساقتاۋعا جانە الىپ جۇرۋگە رۇقساتناما, جىرت­قىش قۇستاردى اۋلاۋ كەزىندە تولقۇجات بول­عاندا عانا اڭ اۋلاۋعا رۇق­سات بەرىلەدى.

 جالپى, وبلىستاعى اڭشىلىق القاپتاردىڭ جالپى اۋدانى 9,8 ملن گەكتاردى قۇرايدى. وڭىر­دە 38 اڭشىلىق شارۋاشىلىق بولسا, 6 اڭ­شىلىق پايدالانۋشىعا 33 اڭشىلىق شارۋا­شىلىعى بەكىتىلگەن.

– اڭ اۋلاۋ ءۇشىن 33 اڭشىلىق شارۋاشىلىعى اشىق بولادى. ال رەزەرۆتىك قورداعى بەكى­تىل­مەگەن ەرتىس, بوزشاكول, جامبىل, قىزىل­جار, ماي­قايىڭ اتالاتىن اڭشىلىق شارۋاشى­لىق­تارىندا اڭ اۋلاۋعا رۇقسات جوق, – دەيدى ينسپەكتسيا باسشىسى رۋسلان تولەپباەۆ.

پاۆلودار وبلىسى