قىتاي اۋىل شارۋاشىلىعى سالاسىنداعى جوبالاردى ىسكە اسىرۋعا ارنالعان Gaofen-11 قاشىقتان زوندتاۋ وپتيكالىق سپۋتنيگىن وربيتاعا ءساتتى ۇشىردى. بۇل تۋرالى Egemen.kz قىتايدىڭ اەروعارىش عىلىمى مەن تەحنيكاسى كورپوراتسياسىنا سىلتەمە جاساپ حابارلايدى.
سپۋتنيك جەرگىلىكتى ۋاقىت بويىنشا 13:57-دە سولتۇستىك شانسي پروۆينتسياسىنداعى تايۋان عارىش ايلاعىنان CZ-4B زىمىرانىنىڭ كومەگىمەن ۇشىرىلعان.
Gaofen-11 قحر اۋىل شارۋاشىلىعى مينيسترلىگىنىڭ تاپسىرىسىمەن جاسالعان. ول كۇن-سينحروندى وربيتادا 500 كم بيىكتىكتە بولادى. بۇل سپۋتنيكتەردىڭ ءتيىستى توبىنداعى ەكىنشى ۇشۋ اپپاراتى. ولار اگرارلىق سالادان باسقا, قالالىق جوسپارلاۋ, جول سالۋ جانە دۇلەي ءزىلزالالاردىڭ سالدارىن ازايتۋ جانە جويۋ جونىندەگى وپەراتسيالاردى جۇرگىزۋ قاجەتتىلىكتەرىنە ارنالعان. بۇل سپۋتنيكتىك دەرەكتەردى ء"بىر بەلدەۋ - ءبىر جول" باستاماسىنا قاتىسۋشى ەلدەر دە الا الادى.
قىتاي مەتەورولوگيالىق, تەلەكوممۋنيكاتسيالىق جانە ناۆيگاتسيالىق سپۋتنيكتەردى, سونداي-اق ايدى يگەرۋ تەحنولوگيالارىن ازىرلەي وتىرىپ, ۇلتتىق عارىش باعدارلاماسىن بەلسەندى دامىتۋدا. تامىز ايىنىڭ باسىندا قحر عالىمدارى مارستى زەرتتەۋ بويىنشا العاشقى ۇلتتىق جوبانى ىسكە قوسقان ەدى. ولار ونىڭ بەتىن قارقىندى زەرتتەۋگە جاقىن ارادا كىرىسۋگە نيەتتى.