كەشە لوس-اندجەلەستە اۋا تەمپەراتۋراسى 49,4 گرادۋسقا دەيىن جەتتى. اقش ۇلتتىق مەتەورولوگيالىق قىزمەتىنىڭ مالىمەتىنە سۇيەنسەك, بۇل قالاداعى وسى ۋاقىتقا دەيىنگى ەڭ جوعارى كورسەتكىش, - دەپ حابارلايدى Egemen.kz.
رەكوردتىق تەمپەراتۋرا لوس-اندجەلەستىڭ سولتۇستىك-باتىس ايماعىندا جەرگىلىكتى ۋاقىت بويىنشا تۇستەن كەيىن تىركەلگەن. بۇعان دەيىن وسىنداي ىستىق تەمپەراتۋرا 2006 جىلدىڭ 22 شىلدەسىندە بولعان. ول كەزدە اۋا تەمپەراتۋراسى 48,3 گرادۋسقا دەيىن كوتەرىلگەن ەدى.
مەتەورولوگتاردىڭ ايتۋىنشا, جوعارى تەمپەراتۋرا تەك لوس-اندجەلەستە عانا عانا ەمەس, سونداي-اق قالانىڭ كورشىلەس اۋداندارىندا دا تىركەلگەن.
قاتتى ىستىققا بايلانىستى شتاتتا جاپپاي ەلەكتر جەلىسى ءوشىرىلۋى مۇمكىن. بۇل دەگەنىمىز ءبىر تاۋلىكتە 9 ميلليونعا جۋىق تۇرعىن ەلەكتر جارىعىنسىز قالادى دەگەن ءسوز. Bloomberg اگەنتتىگىنىڭ باعالاۋى بويىنشا, بۇل مەملەكەت تاريحىنداعى ەلەكتر قۋاتىنىڭ ەڭ ۇزاق ءوشىرىلۋى بولماق.