تۇركيا مەن گرەكيا اراسىنداعى جەرورتا تەڭىزىنە قاتىستى كيكىلجىڭ ۇدەي ءتۇستى. كەشە تۇرىك پرەزيدەنتى كورشىلەرىنە ايماقتىڭ احۋالىن تالقىلاۋعا كىرىسەتىنىن نەمەسە جاعدايدىڭ سالدارى بولاتىنىن ەسكەرتتى.
«ولار نە ساياسات ءتىلى مەن ديپلوماتيانى ءتۇسىنىپ, مامىلەگە كەلەدى, نە سالدارى بولاتىن تاجىريبەگە تاپ بولادى», دەدى رەجەپ تايپ ەردوعان ىستانبۇلداعى جاڭا اۋرۋحانانىڭ اشىلۋ سالتاناتىندا.
ناتو-عا مۇشە ەكى مەملەكەتتىڭ اراسىنداعى داۋ ەكى اپتا بۇرىن باستالعان-دى. تۇركيا ەنەرگيا كوزىن ىزدەپ جەرورتا تەڭىزىن زەرتتەۋگە كىرىستى, ال گرەكيا تۇركيانىڭ باس سۇققان ايماعى وزدەرىنىڭ جەرى ەكەنىن ايتىپ, قارسىلىق تانىتتى. بۇل ايىپتى كيپر مەملەكەتى دە تاعىپ وتىر. ولار تۇركيانى وزدەرىنىڭ «سۋىنا» ارالاسىپ, زايىرلىلىعىنا نۇقسان كەلتىردى دەيدى. ءار ەل تەڭىز كۇشتەرىن سايلاپ, ايماقتاعى احۋالدى رەتتەۋگە دايىندالۋ ۇستىندە.
تۇركيا پرەزيدەنتى بولسا «ولار بۇل ءجونسىز كارتالار مەن قۇجاتتاردى جوق ەتۋگە تۇركيانىڭ ەكونوميكالىق, ساياسي كۇشى قاۋقارلى ەكەنىن تۇسىنبەك», دەدى. سونىمەن قاتار ەلىنىڭ بارلىق مۇمكىندىك پەن ناتيجەگە دايار ەكەنىن مالىمدەدى.
ناتو بولسا ەكى ەل باسشىلارى وسى اپتادا كەزدەسىپ, ايماقتا شيەلەنىس تۋعىزباس ءۇشىن ديالوگقا كەلەتىنىن مالىمدەدى. بىراق گرەكيا وعان كەلىسپەگەنىن, ناتيجەسىندە, تۇركيا ەۋروپا وداعىنداعى ەل ديالوگتان قاشىپ وتىر دەگەن ايىپ تاققانىن حابارلادى.
تۇركيا پرەزيدەنتىنىڭ سوزدەرى راس بولسا كەرەك. مەملەكەتتىڭ باس گازەتتەرىنىڭ ءبىرى Cumhuriyet باسىلىمى تۇركيا سيرياداعى قارۋلى كۇشىن ەلدىڭ باتىسىنداعى شەكاراداعى قالا ەديرنەگە باعىتتاعانىن جازادى. باق ەديرنەگە 40 تانكتىڭ وتكەنىن حابارلادى. ال جاۋاپتى ۆەدومستۆولار بۇل قارۋلى كۇشتەردىڭ قالىپتى ترانسفەرى ەكەنىن, گرەكيامەن قالىپتاسقان جاعدايعا ەش قاتىسى جوق ەكەنىن مالىمدەدى.
بۇل جاعدايدا جەرورتا تەڭىزىندەگى زەرتتەۋ اۋماعىنىڭ كىمگە بۇيىرارىن بولجاۋ قيىن. ويتكەنى كيپر مەن گرەكيا ەۋرووداققا تۇركياعا قارسى سانكتسيا قاراستىرۋىن تالاپ ەتىپ, قولقا سالدى. ەۋرووداق پاندەميامەن كۇرەسىپ الەك. ال تۇركيا ناتو-عا مۇشە. ەردوعاننىڭ بۇعان دەيىن حابارلاعانىنداي, كەلىسىمگە كەلۋى نە «كۇشتەرىنە» سەنىپ, ەنەرگيا كوزدەرىن ىزدەۋدى جالعاستىرارى دا بەلگىسىز.