"بولاشاق" قورى جۋرناليستەر مەن الەۋمەتتىك جەلى پايدالانۋشىلارى اراسىندا ينكليۋزيۆتى ءبىلىم بەرۋدى جاريالاۋ بويىنشا ۇزدىك ماتەريالعا جىل سايىنعى بايقاۋدى باستادى, دەپ حابارلايدى قازاقپارات.
كونكۋرس 5 اتالىم بويىنشا وتكىزىلەدى: تەلەۆيزيالىق جۇمىس, الەۋمەتتىك روليك, ءباسپاسوز بەتىندەگى جاريالانىم, ينتەرنەت-ماقالا جانە ينتەرنەت- جاريالانىم/پوست.
وتىنىمدەر 2021 جىلعى 1 ناۋرىزعا دەيىن قابىلدانادى.
جەڭىمپازداردىڭ ەسىمدەرى دۇنيەجۇزىلىك اۋتيزم ماسەلەسى تۋرالى اقپارات تاراتۋ كۇنى, ياعني 2021 جىلعى 2 ساۋىردە جاريالاناتىن بولادى.
كونكۋرس ارقىلى ۇيىمداستىرۋشىلار دامۋ ەرەكشەلىكتەرى بار بالالاردى الەۋمەتتىك بەيىمدەۋدىڭ پراكتيكاسى مەن ءساتتى تاجىريبەسىن اتاپ ءوتىپ, ازاماتتاردى ينكليۋزيۆتى ءبىلىم بەرۋدىڭ مىندەتتەرى مەن ارتىقشىلىقتارى تۋرالى اقپاراتتاندىرۋ پروتسەسىنە جۋرناليستەر مەن الەۋمەتتىك جەلى پايدالانۋشىلاردى تارتۋعا تىرىسادى.
قازىلار القاسىنىڭ قۇرامىنا بەلگىلى جۋرناليستەر, مەديا جەتەكشىلەرى جانە جاناشىر ازاماتتار كىردى.
بايقاۋدىڭ جالپى جۇلدە قورى – 1 500 000 تەڭگە.