ەڭبەك كودەكسىنىڭ 113-بابىنا سايكەس جالاقىنى تولەۋدىڭ مەرزىمى بار. ال ونى ساقتاۋ ءوز الدىنا, جالاقىنى كەشىكتىرىپ تولەۋ دەرەگى ءالى دە بار, - دەپ حابارلايدى Egemen.kz.
"اتىراۋ قالالىق پروكۋراتۋراسىمەن بىرلەسكەن تەكسەرۋ كەزىندە ەڭبەك زاڭناماسىن بۇزۋ, ونىڭ ىشىندە جالاقىنى ۋاقتىلى بەرمەۋ نەمەسە كەشىكتىرۋ فاكتىلەرى انىقتالدى. مىسالى, ەركىنقالا اۋىلدىق وكرۋگىندەگى №37 "بولاشاق" بوبەكجاي-باقشاسىنىڭ قىزمەتكەرلەرىنە مامىر ايىنا 4 277 639,0 تەڭگە, ال, "اتىراۋنەفتەماش" جشس-ءنىڭ ماۋسىم ايىنا 327 قىزمەتكەرگە 56 114 706 تەڭگە كولەمىندە ەڭبەكاقىنى تولەمەگەنى انىقتالدى. اتالعان زاڭ بۇزۋشىلىقتار بويىنشا جاۋاپتى قىزمەتكەرلەر قر اكىمشىلىك قۇقىق بۇزۋشىلىق تۋرالى كودەكسىنىڭ 87-بابىنا سايكەس اكىمشىلىك جاۋاپكەرشىلىككە تارتىلدى. ال, قىزمەتكەرلەرگە ەڭبەكاقى تولىعىمەن تولەندى", - دەپ حابارلادى وبلىستىق مەملەكەتتىك ەڭبەك ينسپەكتسياسى باسقارماسىنان.