پرەمەر-ءمينيستردىڭ ءبىرىنشى ورىنباسارى ءاليحان سمايىلوۆ ۇكىمەتتىڭ ءباسپاسوز ورتالىعىندا وتكەن بريفينگ بارىسىندا ا.ج. قىركۇيەكتە مەملەكەت باسشىسىنىڭ جولداۋىندا ايتىلعان تاپسىرمالاردى ىسكە اسىرۋ شارالارى تۋرالى ايتىپ بەردى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى, دەپ جازادى Egemen.kz.
مەملەكەت باسشىسى ءوزىنىڭ جولداۋىندا ەكونوميكانى تۇراقتاندىرۋعا جانە جاڭا جاعدايدا ەلدىڭ ورنىقتى دامۋىنا باعىتتالعان ناقتى ءىس-شارالار جوسپارىن بەلگىلەپ بەردى.
پرەزيدەنت ايتقانداي, بۇگىنگى كۇردەلى جاعدايدا الدىمىزدا تۇرعان باستى مىندەت – الەۋمەتتىك-ەكونوميكالىق تۇراقتىلىقتى, جۇمىس ورىندارىن جانە حالىقتىڭ تابىسىن ساقتاپ قالۋ.
وسى مىندەتتى ساپالى ورىنداۋ ءۇشىن ۇكىمەتتىڭ قارجى-ەكونوميكالىق بلوگىنىڭ جۇمىسى كەلەسى نەگىزگى باعىتتار بويىنشا جۇرگىزىلەتىن بولادى.
كاسىپكەرلىكتى دامىتۋ بويىنشا
ءا. سمايىلوۆ اتاپ وتكەندەي, "بيزنەستىڭ جول كارتاسى - 2025" مەملەكەتتىك باعدارلاماسىنىڭ جاڭا باعىتى شەڭبەرىندە مەملەكەت باسشىسىنىڭ تاپسىرماسىنا سايكەس شاعىن جانە ورتا بيزنەسكە قوسىمشا كومەك كورسەتۋ ماقساتىندا سوڭعى قارىز الۋشى ءۇشىن جىلدىق 6%-عا دەيىن جەتكىزە وتىرىپ, شوب-تىڭ قولدانىستاعى كرەديتتەرى بويىنشا پايىزدىق مولشەرلەمەلەردى سۋبسيديالاۋ جۇرگىزىلەتىن بولادى. سۋبسيديالاۋ تج رەجيمى جاريالانعان ساتتەن باستاپ 12 اي كەزەڭىن قامتيدى.
ءا.سمايىلوۆ بۇگىندە شاعىن جانە ورتا بيزنەسكە بەرىلەتىن جاڭا نەسيەلەر جەڭىلدىكتى مولشەرلەمە بويىنشا سۋبسيديالاناتىنىن اتاپ ءوتتى. سونىمەن قاتار, شاعىن جانە ورتا بيزنەس سۋبەكتىلەرىندە بۇرىن جوعارى مولشەرلەمە بويىنشا الىنعان كوپتەگەن قولدانىستاعى نەسيەلەر بار.
"بۇل بيزنەسكە, اسىرەسە, ولاردىڭ قىزمەتىنە قاتىستى شەكتەۋ شارالارىن ەنگىزۋ جاعدايىندا ۇلكەن جۇكتەمە اكەلەدى. بيزنەسپەن كەزدەسۋ بارىسىندا بيزنەس بۇل نەسيە بويىنشا پايىزدىق مولشەرلەمەلەردى تومەندەتۋ ماسەلەسىن نەگىزگىلەردىڭ ءبىرى رەتىندە قويدى. سوندىقتان مەملەكەت باسشىسى زارداپ شەككەن سەكتورلارداعى بارلىق شوب سۋبەكتىلەرىنە ولاردىڭ كرەديتتەرى بويىنشا توتەنشە جاعداي رەجيمى جاريالانعان ساتتەن باستاپ, ياعني 2020 جىلعى 16 ناۋرىزدان 2021 جىلعى 16 ناۋرىز ارالىعىندا 12 اي ىشىندە جىلدىعى 6%-عا دەيىن سۋبسيديالاۋمەن قولداۋدىڭ قوسىمشا شارالارىن كورسەتۋ تۋرالى شەشىم قابىلدادى", — دەدى پرەمەر-ءمينيستردىڭ ءبىرىنشى ورىنباسارى.
بيزنەس-احۋالدى ودان ءارى جاقسارتۋ جونىندەگى شارالار كەشەنى قابىلداناتىن بولادى. بۇل تاۋەكەلدەردى باسقارۋ جۇيەلەرىن اۆتوماتتاندىرۋدى, بارلىق رەتتەۋشى تالاپتاردى تەكسەرۋدى جانە ولاردى قىسقارتۋدى قامتيدى.
قازىرگى ۋاقىتتا رەتتەۋشىلىك اپەللياتسيا ينستيتۋتىن ەنگىزۋ, ونى كاسىپكەرلىك كودەكسىنە بەكىتۋ بويىنشا شارالار ازىرلەنۋدە.
شوب سۋبەكتىلەرى اعىمداعى جىلدىڭ سوڭىنا دەيىن رەسپۋبليكالىق جانە كوممۋنالدىق مەنشىك وبەكتىلەرى بويىنشا جالداۋ تولەمدەرىن تولەۋدەن بوساتىلادى. وسىنداي شارالار كۆازيمەملەكەتتىك سەكتور وبەكتىلەرى بويىنشا قابىلداناتىن بولادى.
زارداپ شەككەن سالالارداعى شوب سۋبەكتىلەرى اعىمداعى جىلدىڭ سوڭىنا دەيىن زەينەتاقى قورىنا, الەۋمەتتىك ساقتاندىرۋ قورىنا جانە مەديتسينالىق ساقتاندىرۋ قورىنا ەتق-دان اۋدارىمدارىنان بوساتىلادى.
ورتا شيكىزاتتىق ەمەس كاسىپورىندارعا باعىتتالعان ەكسپورتتىق اكسەلەراتسيا باعدارلاماسى ىسكە قوسىلادى.
كاسىپكەرلىكتى قولداۋ ءۇشىن قوسىمشا 200 ملرد تەڭگە بولىنەدى, ول اينالىم كاپيتالىن جەڭىلدەتىلگەن مولشەرلەمە بويىنشا نەسيەلەۋ كولەمىن 800 ملرد تەڭگەگە دەيىن جەتكىزەدى جانە بۇل باعدارلامانى 2021 جىلدىڭ سوڭىنا دەيىن ۇزارتادى.
"جوعارىدا اتالعان بارلىق شارالار ءجىو-دەگى شوب ۇلەسىن 35%-عا دەيىن جانە 2025 جىلعا قاراي شوب-تا جۇمىسپەن قامتىلعاندار سانىن 4 ملن ادامعا دەيىن ارتتىرۋ بويىنشا مىندەتتەرگە قول جەتكىزۋگە ىقپال ەتەدى", - دەدى پرەمەر-ءمينيستردىڭ ءبىرىنشى ورىنباسارى.
ينۆەستيتسيالاردى ىنتالاندىرۋ بويىنشا
زاڭنامالىق تۇراقتىلىقتى قامتاماسىز ەتۋ ماقساتىندا ينۆەستيتسيالىق جوبالاردى ىسكە اسىرۋدىڭ بارلىق مەرزىمىنە ستراتەگيالىق ينۆەستيتسيالىق كەلىسىمدەر ەنگىزىلەتىن بولادى. كاسىپكەرلىك جانە سالىق كودەكستەرىنە, سونداي-اق ارنايى ەكونوميكالىق ايماقتار تۋرالى زاڭعا تۇزەتۋلەر ەنگىزىلەدى. ينۆەستورلارمەن ستراتەگيالىق كەلىسىمدەر جاساسۋ مۇمكىن بولاتىن ينۆەستيتسيالىق جوبالاردىڭ پۋلى قالىپتاستىرىلاتىن بولادى. ءاربىر ءىرى ينۆەستورعا جەكە كوزقاراس قامتاماسىز ەتىلەدى.
ينۆەستيتسيالىق جوبالاردى ىسكە اسىرۋ پروتسەسىندە قازىرگى زامانعى ينفراقۇرىلىمدى, اعىلشىن قۇقىعىن جانە پرەفەرەنتسيالىق سالىق جانە كوشى-قون رەجيمدەرىن ۇسىناتىن احقك الەۋەتى بەلسەندى پايدالانىلاتىن بولادى. نەگىزگى كاپيتالعا سالىنعان ينۆەستيتسيالار كولەمى 2025 جىلعا قاراي ءجىو-گە قاتىستى 30%-عا دەيىن جەتكىزىلەتىن بولادى.
مەملەكەتتىك باسقارۋ جۇيەسى بويىنشا
مەملەكەتتىك قىزمەتشىلەر مەن كۆازيمەملەكەتتىك سەكتور قىزمەتكەرلەرىنىڭ سانى اعىمداعى جىلدىڭ سوڭىنا دەيىن 10%-عا, كەلەسى جىلى تاعى 15%-عا قىسقاراتىن بولادى. وسىلايشا, كەلەسى جىلدىڭ سوڭىنا دەيىن ولار 25%-عا دەيىن قىسقارتىلادى. ەكونوميكاداعى جەكە سەكتوردىڭ كولەمىن كەڭەيتۋ ءۇشىن جەكەشەلەندىرۋدىڭ 2025 جىلعا دەيىنگى جاڭا جوسپارى قابىلدانادى.
سالىق-بيۋدجەت ساياساتىن جەتىلدىرۋ بويىنشا
سالىق مىندەتتەمەلەرىن ورىنداۋدى وڭايلاتۋ جانە سالىقتار مەن تولەمدەردىڭ سانىن ازايتۋ ماقساتىندا سالىق زاڭناماسىنا تولىق تەكسەرۋ جۇرگىزىلەتىن بولادى. بۇل جۇمىس باستالىپ تا كەتتى. شوب ءۇشىن نەعۇرلىم زارداپ شەككەن سەكتورلاردا اينالىمنان بولشەك سالىق تولەۋ قۇقىعى ەنگىزىلەتىن بولادى.
"ەكونوميكانى ءارتاراپتاندىرۋ جانە بيۋدجەتتى تولىقتىرۋ ءۇشىن سالىق ستاۆكالارىن سارالاۋ مۇمكىندىكتەرى قاراستىرىلادى. ۇكىمەت جاڭا بيۋدجەت ساياساتىن ازىرلەۋگە ەرەكشە نازار اۋداراتىن بولادى", — دەدى ءا. سمايىلوۆ.
ءتۇيىندى بيۋدجەتتىك كوەففيتسيەنتتەر مەن قاعيدالار جيىنتىعى, بيۋدجەت ساياساتىنىڭ تيىمدىلىگى مەن ورنىقتىلىعىن باعالاۋ ازىرلەنەتىن بولادى. "كەڭەيتىلگەن بيۋدجەتتى" ەنگىزۋمەن بيۋدجەتتەن تىس قورلاردى شوعىرلاندىرىلعان بيۋدجەتكە ەنگىزۋ جولىمەن مەملەكەتتىك قارجىنى كەشەندى باعالاۋدى ەنگىزۋ جوسپارلانۋدا.
ناتيجەسىندە, بيۋدجەتتىك جوسپارلاۋدىڭ جاڭا تاسىلدەرى مەملەكەتتىك جوسپارلاۋ جۇيەسىندەگى ۇلتتىق باسىمدىقتاردى نەعۇرلىم تولىق ىسكە اسىرۋدى قامتاماسىز ەتەدى.
كولەڭكەلى ەكونوميكا بويىنشا
پرەزيدەنتتىڭ تاپسىرماسىن ورىنداۋ ءۇشىن كولەڭكەلى ەكونوميكاعا قارسى ءىس-قيمىل جوسپارى وزەكتەندىرىلەتىن بولادى. وففشورلىق يۋريسديكتسيالارعا اقشا اۋدارىمدارى بولىگىندە زاڭناما جەتىلدىرىلەتىن بولادى. اعىمداعى جىلدىڭ سوڭىنا دەيىن ەىدۇ ەلدەرىنىڭ سالىق ورگاندارى اراسىندا جەكە جانە زاڭدى تۇلعالاردىڭ قارجىلىق شوتتارى تۋرالى العاشقى اقپارات الماسۋدى جۇزەگە اسىرۋ جوسپارلانۋدا. تيىسىنشە, ەلىمىزدىڭ رەزيدەنتتەرى بويىنشا الىنعان مالىمەتتەرگە تالداۋ جۇرگىزىلەدى.
سونداي-اق سالىقتىق جانە كەدەندىك اكىمشىلەندىرۋدى تسيفرلاندىرۋ جونىندەگى جۇمىس جانداندىرىلىپ, جالعاستىرىلاتىن بولادى. قازىردىڭ وزىندە تاۋارلاردى قاداعالاۋدىڭ ۇلتتىق جۇيەسى قۇرىلۋدا. اعىمداعى جىلدىڭ 1 قازانىنان باستاپ تەمەكى ونىمدەرىن تاڭبالاۋ ەنگىزىلەدى. تاڭبالاۋعا جاتاتىن تاۋارلاردىڭ تىزبەسى ۇنەمى كەڭەيتىلەتىن بولادى, بۇل ەكونوميكاداعى, اسىرەسە, ساۋداداعى كولەڭكەلى اينالىمدى ايتارلىقتاي تومەندەتۋگە مۇمكىندىك بەرەدى.
بۇگىنگى تاڭدا "كۆازيمەملەكەتتىك سەكتوردىڭ جەكەلەگەن سۋبەكتىلەرىن ساتىپ الۋ تۋرالى" زاڭ جوباسى ازىرلەندى. ونى قابىلداۋ جانە بارلىق راسىمدەردى ەلەكتروندىق فورماتقا كوشىرۋ ساتىپ الۋدىڭ اشىقتىعى مەن ايقىندىعىن ارتتىرادى (ەلەكتروندىق شارتتار, ورىنداۋ تۋرالى اكتىلەر جانە شاعىمدانۋ جانە ت.ب.). سونداي-اق, "اتامەكەن" ۇكپ جانىنان ءتۇرلى قولدانىستاعى ساتىپ الۋ الاڭدارىنىڭ بازاسىندا "بىرىڭعاي ساتىپ الۋ تەرەزەسى" پورتالى قۇرىلدى. وڭىرلىك دامۋ بويىنشا ءاربىر ناقتى ءوڭىردىڭ باسەكەلەستىك ارتىقشىلىقتارىن اشۋ جونىندەگى شارالاردى قامتيتىن ەلدىڭ تەڭگەرىمدى وڭىرلىك دامۋىنا جاڭا تاسىلدەر ازىرلەنەتىن بولادى. ول ءۇشىن 2030 جىلعا دەيىنگى اۋماقتىق-كەڭىستىكتىك دامۋدىڭ بولجامدى سحەماسىنا ءتيىستى وزگەرىستەر ەنگىزىلەتىن بولادى. اۋىلدارداعى وزەكتى ينفراقۇرىلىمدىق ماسەلەلەردى شەشۋگە باعىتتالعان "اۋىل - ەل بەسىگى" جوباسىن ىسكە اسىرۋ جالعاسادى. جەرگىلىكتى ءوزىن-ءوزى باسقارۋدى جەتىلدىرۋ جانە "حالىقتىق قاتىسۋ بيۋدجەتتەرىن" دامىتۋ شەڭبەرىندە اۋىلدىق وكرۋگتەر بيۋدجەتتەرىنىڭ قارجىلىق مۇمكىندىكتەرى كەڭەيتىلەتىن بولادى (سالىقتار مەن تولەمدەردىڭ 4 ءتۇرىن بەرۋ). جەرگىلىكتى ءوزىن-ءوزى باسقارۋدى دامىتۋدىڭ جاڭا تۇجىرىمداماسى ازىرلەنەتىن بولادى.
وسى تۇجىرىمداما شەڭبەرىندە اۋىل اكىمدەرىنىڭ تىكەلەي سايلاۋىن ەنگىزۋ, جەرگىلىكتى مەملەكەتتىك باسقارۋدىڭ م ۇلىكتىك قۇقىقتارىن جانە ءماسليحاتتاردىڭ وكىلەتتىكتەرىن كەڭەيتۋ جونىندە ۇسىنىستار ازىرلەنەتىن بولادى.
"مەملەكەت باسشىسىنىڭ جولداۋىندا ەل دامۋىنىڭ ناقتى باسىمدىقتارى ايقىندالعان. قويىلعان مىندەتتەر تولىق جانە ۋاقتىلى جۇزەگە اسىرىلادى", — دەدى ءا.سمايىلوۆ.
پرەزيدەنت تاپسىرماسىن ىسكە اسىرۋ ءۇشىن قانشا قاراجات قاجەت؟
ءا. سمايىلوۆ سونداي-اق مەملەكەت باسشىسىنىڭ تاپسىرمالارىن قارجىلاندىرۋ ماسەلەلەرىنە تۇسىنىكتەمە بەردى.
"پرەزيدەنتتىڭ جولداۋدا ايتىلعان بىرقاتار تاپسىرمالارى ءتيىستى قارجىلىق قامتاماسىز ەتۋدى تالاپ ەتەدى. اعىمداعى جىلدىڭ رەسپۋبليكالىق بيۋدجەتىندە بەلگىلى ءبىر قاراجات قاراستىرىلعان. مىسالى, 13 جاڭا جۇقپالى اۋرۋلار اۋرۋحاناسىن قۇرۋعا 30 ملرد تەڭگە قاراستىرىلعان. ۇكىمەت رەزەرۆىنەن الەۋمەتتىك وسال وتباسىلاردان شىققان بالالارعا كومپيۋتەرلىك تەحنيكا ساتىپ الۋعا 70 ملرد تەڭگە ءبولىندى", — دەدى ءا. سمايىلوۆ.
قازىرگى ۋاقىتتا 2020 جىلعى بيۋدجەتتى ناقتىلاۋ شەڭبەرىندە اعىمداعى جىلى شىعىستاردى قوسىمشا قامتاماسىز ەتۋ بويىنشا جۇمىستار جۇرگىزىلۋدە.
اتاپ ايتقاندا, مەديتسينا قىزمەتكەرلەرىنە قوسىمشا ۇستەمەاقى, ءدارى-دارمەك ساتىپ الۋ جانە باسقا دا شىعىندار بويىنشا قامتاماسىز ەتۋ قاراستىرىلعان.
"الدىن الا باعالاۋ بويىنشا, اعىمداعى جىلى قوسىمشا قاجەتتىلىك شامامەن 300 ملرد تەڭگەنى قۇرايدى. ال 2021 جىلدىڭ بيۋدجەتىندە پرەزيدەنت تاپسىرمالارىن ورىنداۋعا جولداۋدان 1,6 ترلن تەڭگە قاراستىرىلعان. ءبىرىنشى كەزەكتە بۇل مەديتسينالىق قىزمەتكەرلەردىڭ, مۇعالىمدەردىڭ جالاقىسىن ارتتىرۋعا, شوب نەسيەلەرى بويىنشا پايىزدىق مولشەرلەمەلەردى سۋبسيديالاۋعا, رەسپۋبليكالىق ماڭىزى بار جولداردى سالۋ مەن قايتا جاڭارتۋعا, "اۋىل — ەل بەسىگى" باعدارلاماسىنا جۇمسالاتىن شىعىستار", — دەدى ءا.سمايىلوۆ.
جەكەلەگەن تاپسىرمالار بويىنشا قازىرگى ۋاقىتتا مەملەكەتتىك ورگاندارمەن بىرلەسىپ شىعىندار ناقتىلانۋدا. وسى قوسىمشا شىعىندار بويىنشا شىعىستاردىڭ كوزى ءبىزدىڭ بيۋدجەتتىڭ شىعىس بولىگىن وڭتايلاندىرۋ, كولەڭكەلى ەكونوميكانى ازايتۋ جونىندەگى جۇمىستان قوسىمشا تۇسىمدەر, سالىق سالىناتىن بازانى كەڭەيتۋ, ەكونوميكا مەن كاسىپكەرلىكتى دامىتۋ ەسەبىنەن بيۋدجەتكە تۇسەتىن تۇسىمدەر, جەكە ينۆەستيتسيالار بولىپ تابىلادى.
بريفينگ بارىسىندا ءا. سمايىلوۆ جۋرناليستەردىڭ كولەڭكەلى ەكونوميكامەن كۇرەس بويىنشا اتقارىلىپ جاتقان جۇمىس تۋرالى سۇراعىنا جاۋاپ بەردى.
ء"بىز كولەڭكەلى ەكونوميكانى ازايتۋ بويىنشا جوسپارلى جۇمىستى جۇزەگە اسىرۋدامىز. ونىڭ كولەمى بىرتىندەپ تومەندەيدى. بۇرىن ساراپتامالىق باعالاۋ ونىڭ ءجىو-ءنىڭ 40% دەڭگەيىندە بولاتىنىن بولجاعان بولسا, بۇگىندە كولەڭكەلى ەكونوميكا دەڭگەيى ءجىو-ءنىڭ 23,7%-ىن قۇرايدى", - دەدى ول.
ۇكىمەت قابىلدانعان جوسپارعا سايكەس كولەڭكەلى ەكونوميكا دەڭگەيىن تومەندەتۋ جونىندەگى كەشەندى شارالاردى ىسكە اسىرۋدا, ول: سالىقتىق جانە كەدەندىك اكىمشىلەندىرۋدى اۆتوماتتاندىرۋعا جانە تسيفرلاندىرۋعا; قولما-قول اقشاسىز ەسەپ ايىرىسۋلاردى دامىتۋعا; قىلمىستىق كىرىستەردى زاڭداستىرۋعا قارسى ءىس-قيمىل جاساۋعا; زاڭنامانى جەتىلدىرۋگە باعىتتالعان ءىس-شارالاردى كوزدەيدى. ماسەلەن, سالىقتىق جانە كەدەندىك اكىمشىلەندىرۋدى تسيفرلاندىرۋ شەڭبەرىندە اقپاراتتىق جۇيەلەر كەشەنى بولىپ تابىلاتىن تاۋارلاردى قاداعالاۋدىڭ ۇلتتىق جۇيەسى قۇرىلدى. ءاربىر اقپاراتتىق جۇيە قاداعالاۋ كەزەڭدەرىندە ءوز ءرولىن اتقارادى, بىرەۋى تاۋاردى اينالىمعا قۇجاتتىق ەنگىزۋگە جاۋاپ بەرەدى (استانا-1), باسقالارى كەيىنگى قوزعالىستى باقىلايدى ("ەشف" اج, تاۋاردى تاڭبالاۋ), ءۇشىنشىسى (ونلاين-بكم) تاۋاردى سوڭعى تۇتىنۋشىعا ساتۋ كەزىندە اينالىمنان شىعارۋعا جاۋاپ بەرەدى.
"مۇنىڭ ءبارى بيۋدجەت كىرىستەرىن ۇلعايتۋعا جانە ەكونوميكاداعى كولەڭكەلى اينالىمدى ازايتۋعا مۇمكىندىك بەرەدى. وتكەن جىلدىڭ قورىتىندىسى بويىنشا بيۋدجەتكە وتكەن جىلمەن سالىستىرعاندا 1,5 ترلن تەڭگەگە ارتىق كىرىس ەسەپتەلدى. ونىڭ 920 ملرد تەڭگەسى — تەك وسى سالاداعى سالىقتىق-كەدەندىك اكىمشىلەندىرۋدى جاقسارتۋ جانە تسيفرلاندىرۋ ەسەبىنەن", — دەدى ءا. سمايىلوۆ.
پرەمەر-ءمينيستردىڭ ءبىرىنشى ورىنباسارى ءا. سمايىلوۆ ستراتەگيالىق جوسپارلاۋ جانە رەفورمالار جونىندەگى جاڭا اگەنتتىكتىڭ نەمەن اينالىساتىنىن ايتتى.
ونىڭ ايتۋىنشا, جاڭا ۆەدومستۆوعا ۇلتتىق ەكونوميكا مينيسترلىگىنىڭ فۋنكتسيالارىنىڭ ءبىر بولىگى بەرىلەدى.
جاڭا اگەنتتىك تۋرالى
"پرەزيدەنت جانىنان قۇرىلىپ جاتقان ستراتەگيالىق جوسپارلاۋ جانە رەفورمالار جونىندەگى اگەنتتىك فۋنكتسيالاردى قايتا ءبولۋ, ياعني جەكەلەگەن فۋنكتسيالاردى ۇلتتىق ەكونوميكا مينيسترلىگىنەن بەرۋ ەسەبىنەن قۇرىلادى. اتاپ ايتقاندا, بۇل ستراتەگيالىق جوسپارلاۋ ماسەلەلەرى بويىنشا فۋنكتسيالار, مەملەكەتتىك باسقارۋ بويىنشا جەكەلەگەن ماسەلەلەر جانە مەملەكەتتىك ستاتيستيكانى دامىتۋ ماسەلەلەرى", — دەپ حابارلادى ءا.سمايىلوۆ.
وسى اگەنتتىكتىڭ قىزمەتى كرسەتىلگەن فۋنكتسيالاردى ورىنداۋعا ارنالعان قازىرگى بار شىعىستاردى قايتا ءبولۋ ەسەبىنەن قارجىلاندىرىلاتىن بولادى. ءبولۋ بالانسى جاسالادى, ول اعىمداعى جىلدىڭ بيۋدجەتىن ناقتىلاۋ جانە قازىر ماجىلىستە جاتقان زاڭ جوبالارى شەڭبەرىندە كەلەسى ءۇش جىلعا ارنالعان رەسپۋبليكالىق بيۋدجەتتى قالىپتاستىرۋ كەزىندە ەسكەرىلەتىن بولادى.