قوستاناي وبلىسىنا "Nur Otan" پارتياسى جاقتاستارى ليگاسىنىڭ مۇشەسى, ساياساتتانۋشى باۋىرجان سەرىكباەۆ جۇمىس ساپارىمەن كەلدى. ول بىرنەشە اۋداندى ارالاپ, پرايمەريز اياسىندا اتقارىلىپ جاتقان جۇمىستاردىڭ بارىسىمەن تانىسپاق, دەپ حابارلايدى Egemen.kz.
ليگا مۇشەسى الدىمەن پرايمەريزگە قاتىسۋشىلارمەن جانە پارتيا بەلسەندىلەرىمەن كەزدەستى. جيىنعا قاتىسۋشىلار پارتيا جاقتاستارى وكىلىنە ىشكى ىرىكتەۋگە نە سەبەپتى قاتىساتىنىن جانە پرايمەريزدەن نە كۇتەتىندەرىن ايتىپ بەردى. پارتياىشىلىك ىرىكتەۋگە قاتىسۋشىلاردىڭ ءبىرى - وبلىستىق ىسكەر ايەلدەر قاۋىمداستىعىنىڭ وكىلى قىرمىزى جاڭبىرشينا.
- پرايمەريز – ەلىمىزدە ءوتىپ جاتقان اۋقىمدى ءارى ماڭىزدى ساياسي ءىس-شارا. ونى ءبىزدىڭ "Nur Otan" پارتياسى وتكىزىپ جاتقانىنا ءوز باسىم وتە قۋانىشتىمىن. كوپ ۋاقىتتان بەرى پارتيا مۇشەسى بولا تۇرا, شەتتە قالعىم كەلمەدى. مەندە قاتىسامىن دەپ شەشتىم. سەبەبى, بۇل ارقايسىمىز ءۇشىن ۇلكەن مۇمكىندىك. ءوزىم اۋىلدا وسكەندىكتەن, پرايمەريزدە شالعاي اۋىلداردىڭ ماسەلەسىن كوتەرگىم كەلەدى. قازىرگى تاڭدا ءتۇيىنى تارقاتىلماعان ماسەلە جەتەرلىك. پرايمەريزدىڭ ارقاسىندا كوپشىلىك كوكەيىندە جۇرگەن بىرقاتار ماسەلەلەردى شەشۋگە كومەكتەسەمىن دەگەن ويدامىن, – دەدى ول.
جيىنعا قاتىسۋشىلارعا باۋىرجان سەرىكباەۆ ليگا جۇمىسى تۋرالى ايتىپ بەردى.
- ليگا قوعامنىڭ قاجەتتىلىكتەرىن ەسكەرە وتىرىپ, وڭىرلەردى دامىتۋ بويىنشا ۇسىنىستار ازىرلەيدى. ءبىز ءۇشىن ايماقتارداعى وزەكتى ماسەلەلەردى شەشىلۋىنە سەپتىگى تيەتىن پىكىرلەر مەن باستامالار وتە ماڭىزدى. بۇگىن ايماقتا اتقارىلىپ جاتقان جۇمىس بارىسىمەن تانىستىق. بۇعان قوسا, بىرنەشە اۋداندى ارالاپ, ءبىراز ماسەلەلەردى قاراستىرامىز. جەرگىلىكتى حالىقتىڭ ۇسىنىس-تىلەگى پارتيانىڭ قاراۋىنا جىبەرىلەدى. ليگا وكىلدەرى ىشكى پارتيالىق ىرىكتەۋدى وتكىزۋدىڭ اشىقتىعى مەن تۇتاستىعىن سىرتتاي تاۋەلسىز باقىلاۋ پروتسەسىن ۇيىمداستىرادى. ايقىندىق پەن باسەكەلەستىك – "Nur Otan" پارتياسىنىڭ باستى قاعيداتتارى. ءبىز ءۇشىن شىنايى باسەكەلەستىك جاعدايىندا ناعىز مىقتىلاردى انىقتاۋ ماڭىزدى, – دەدى پارتيا جاقتاستارى ليگاسىنىڭ مۇشەسى.
قوستاناي وبلىسى