ايماقتا ستۋدەنت جاستاردىڭ ءومىر ءسۇرۋ ساپاسىن جاقسارتۋعا باعىتتالعان جاڭا جوبالار جۇزەگە اسىرىلۋدا. مىسالى, بيىل «جۇمىسپەن قامتۋدىڭ جول كارتاسى» باعدارلاماسى بويىنشا قوستاناي قالاسىنداعى ەكى كوللەدجدە بىردەي جاتاقحانا قۇرىلىسى قولعا الىنىپ وتىر. بۇل تۋرالى كەشە وتكەن مۇعالىمدەردىڭ تامىز كونفەرەنتسياسىندا ايتىلدى, دەپ حابارلايدى Egemen.kz.
قوس جاتاقحانانىڭ ءبىرى قوستاناي مەديتسينالىق كوللەدجىنە تيەسىلى. وعان 250 ستۋدەنت سيادى. وبلىستىق ءبىلىم باسقارماسى باسشىسىنىڭ مىندەتىن اتقارۋشى ەرمەك ايتماعامبەتوۆتىڭ ايتۋىنشا, 700 ملن تەڭگەگە سالىنىپ جاتقان جاتاقحانانىڭ قۇرىلىسى جىل سوڭىنا تامان اياقتالادى.
500 ستۋدەنتكە ارنالعان ەكىنشى جاتاقحانا قوستاناي اۆتوموبيل كولىگى كوللەدجىندە سالىنىپ جاتىر. قۇنى 1 جارىم ملرد تەڭگە بولاتىن بۇل نىسان كەلەر جىلى پايدالانۋعا بەرىلمەك.
قوستاناي وبلىسى