اكىمشىلىك پوليتسيا, كوشى-قون جانە جەرگىلىكتى پوليتسيا قىزمەتكەرلەرى ۇيىمداستىرعان قۇقىقتىق شارا بارىسىندا ارمەنيادان اكەلىنگەن ءۇش اۆتوكولىك قايتا تىركەۋگە الىندى. وبلىستا وسىمەن قاپ تاۋىنان اكەلىنگەن 367-ءشى اۆتوكولىك رەسمي تۇردە تىركەۋگە تۇردى.
مۇنداي اكتسيا, اسىرەسە, جۇمىسباستى جۇرگىزۋشىلەر ءۇشىن قولايلى بولىپ تۇر. ماسەلەن, قوستانايلىق سەرگەي روگوجين جۇك كولىگىن جۇرگىزەدى. ول وسىدان ءبىر اي بۇرىن كولىگى ەسەپتەن شىعارىپ, قايتا تىركەپتى. بىراق بۇل تۋرالى مالىمەت تەحنيكالىق سەبەپتەرگە بايلانىستى ورتاق اقپاراتتىق بازاعا ەنبەي قالعان.
- تاياۋدا جول پوليتسياسى توقتاتىپ, قۇجاتتارىمدى تەكسەرىپ ەدى, كولىگىمنىڭ تىركەۋدە تۇرعانى تۋرالى مالىمەت بازادا جوق بولىپ شىقتى. بۇگىن «جولدا قابىلداۋ» دەگەن جازۋدى كەزدەيسوق كورىپ قالىپ, جاعدايدى ءتۇسىندىرىپ ەدىم, ماسەلەم ءبىر-اق مينۋتتا شەشىلدى. وسىنداي قاراپايىم حالىققا پايداسى تيەتىن شارالاردى ءجيى ۇيىمداستىرسا, پوليتسيانىڭ دا بەدەلى ارتادى, - دەدى جۇرگىزۋشى.
«جولدا قابىلداۋ» اكتسياسى - اي سايىن وتكىزىلەتىن ءداستۇرلى شارا. اكتسيا اياسىندا پوليتسياعا ينتەرنەت جەلىلەرى ارقىلى دا ساۋال جولداۋ مۇمكىندىگى قاراستىرىلعان.
- بۇل جولى وبلىستىق پوليتسيا دەپارتامەنتىنىڭ ۆەدومستۆولىق جەلىلەرى ارقىلى تۇرعىنداردان 20-دان استام سۇراق كەلىپ ءتۇستى, - دەدى اكىمشىلىك پوليتسيا باستىعىنىڭ ورىنباسارى اسقار ناراتاۋوۆ.