سەنات دەپۋتاتى, حالىقارالىق قاتىناستار, قورعانىس جانە قاۋىپسىزدىك كوميتەتىنىڭ مۇشەسى قايرات قوجامجاروۆ ۇلتتىق ۇلاننىڭ 5573 اسكەري بولىمىنە باردى. سونىڭ اياسىندا سەناتورعا بولىمدەگى قارۋ-جاراق تۇرلەرى تۋرالى جانە پاندەميا كەزىندە ۇلتتىق ۇلاننىڭ كۇشەيتىلگەن رەجيمدە قىزمەت كورسەتۋگە دايىن ەكەنى جونىندە اقپارات بەرىلدى, - دەپ حابارلايدى Egemen.kz سەناتتىڭ ءباسپاسوز قىزمەتىنە سىلتەمە جاساپ.
سونداي-اق ءبولىم باسشىلارى اسكەري قىزمەتشىلەردى ماتەريالدىق-تەحنيكالىق جانە الەۋمەتتىك تۇرعىدان قامتاماسىز ەتۋگە قاتىستى بىرقاتار ماسەلەگە نازار اۋداردى.
ءوز سوزىندە قايرات قوجامجاروۆ قوعامدىق ءتارتىپتى قامتاماسىز ەتۋدە, جاپپاي تارتىپسىزدىكتىڭ الدىن الۋدا, تابيعي جانە تەحنوگەندىك سيپاتتاعى توتەنشە جاعدايلاردىڭ سالدارىن جويۋدا جانە ءدىني ەكسترەميزم مەن تەرروريزمگە قارسى ءىس-قيمىلداردا ۇلتتىق ۇلان ساربازدارىنا ۇلكەن جاۋاپكەرشىلىك جۇكتەلەتىنىن اتاپ ءوتتى.
سونىمەن قاتار قايرات قوجامجاروۆ بۇعان دەيىن سەناتتىڭ سالالىق كوميتەتىنىڭ وتىرىسىندا قارالعان اسكەري ءتارتىپ, كادر ماسەلەسى, اسكەرگە شاقىرىلاتىن ازاماتتاردىڭ مورالدىق-پسيحولوگيالىق جاعدايى سياقتى ماسەلەلەرگە توقتالدى. كەزدەسۋ بارىسىندا دەپۋتات پەن اسكەري سالا ماماندارى بىرقاتار زاڭعا, ونىڭ ىشىندە بيىل مامىر ايىندا قابىلدانعان قارۋلى كۇشتەردىڭ, باسقا دا اسكەرلەر مەن اسكەري قۇرالىمداردىڭ ارسەنالدارى, بازالارى مەن قويمالارى جانىنداعى تىيىم سالىنعان ايماقتار مەن تىيىم سالىنعان اۋداندار ماسەلەلەرى بويىنشا زاڭعا ەنگىزىلگەن وزگەرىستەر تۋرالى پىكىر الماستى.
ءىس-شارا سوڭىندا سەناتور كەزدەسۋ كەزىندە كوتەرىلگەن بارلىق ماسەلە مەملەكەتتىك قورعانىستىق تاپسىرىستى دايىنداۋ جانە الداعى ءۇش جىلعا ارنالعان رەسپۋبليكا بيۋدجەتىن قابىلداۋ كەزىندە جان-جاقتى پىسىقتاۋدى قاجەت ەتەتىنىن ايتىپ, وسى باعىتتا سەنات دەپۋتاتتارى تاراپىنان قولداۋ كورسەتىلەتىنىن جەتكىزدى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.