كونستيتۋتسيا كۇنىنە ارنالعان ءىس-شارالار ونلاين فورماتتا ۇيىمداستىرىلادى. بۇل تۋرالى نۇر-سۇلتان قالاسى اكىمدىگىنىڭ ءباسپاسوز قىزمەتى حابارلايدى, - دەپ جازادى Egemen.kz
نۇر-سۇلتاندا قازاقستان رەسپۋبليكاسى كونستيتۋتسياسىنىڭ 25 جىلدىعىنا ارنالعان ءىس-شارالار جوسپارى بەكىتىلدى. اتاپ ايتساق, 10-29 تامىزدا "كونستيتۋتسيا بوستاندىقتىڭ كەپىلى" ءان چەللەندجى باستالادى.
14 تامىز كۇنى ءال-فارابي اتىنداعى وقۋ-تاربيە ورتالىعىنىڭ اشىلۋ سالتاناتى بولادى. ورتالىقتاندىرىلعان كىتاپحانالار جۇيەسى 15-31 تامىز ارالىعىندا يلليۋستراتسيالىق كىتاپ – ونلاين-ينستاللياتسيا ۇسىنادى. ال, 25 تامىزدا "مەن ءوز قۇقىعىمدى بىلەمىن" اتتى بالالار سۋرەت سايىسى وتەدى. 26 تامىزدا ءال-فارابي اتىنداعى وقۋشىلار سارايىندا "اتا زاڭىم – ارداعىم" اقىندار سايىسى ۇيىمداستىرىلسا,
نۇر-سۇلتان قالاسىنىڭ مەملەكەتتىك ءارحيۆى 27 تامىز-4 قىركۇيەك ارالىعىندا كونستيتۋتسيانىڭ 25 جىلدىعىنا ارنالعان كورمە وتكىزەدى. 28 تامىز كۇنى "ناز" مەملەكەتتىك بي تەاترى "اتا زاڭ – ەلدىڭ ايبىنى, ەركىندىگى, بايلىعى" اتتى ونلاين كونتسەرت قويادى.
سونداي-اق 28 تامىزدا "حالىق دوپ" بويىنشا "ەلوردالىق بالالار – سپورتتىق اۋىسىم" اتتى چەمپيونات وزدىرىلادى. 29-30 تامىزدا الەۋمەتتىك جاعدايى تومەن وتباسىلارعا ارنالعان ەمب قايىرىمدىلىق شارالارى ۇيىمداستىرىلادى. "جاستار تەاترى" 30 تامىز كۇنى الەۋمەتتىك جەلىلەر ارقىلى "ايبارلى اسقار ەلدى اسقاقتاتار اتا زاڭ" اتتى ونلاين-كونتسەرت تارتۋ ەتەدى. ءدال سول كۇنى "Nomad" تەاترى اكتەرلەرى پاتريوتتىق اندەرمەن ونلاين قۇتتىقتاۋ جولدايدى.
30 تامىزدا ەلوردالىق فيلارمونيا ارتىستەرى استانا كونتسەرت زالىندا كونستيتۋتسيا كۇنىنە ارنالعان كونتسەرت وتكىزەدى. سونداي-اق, كونستيتۋتسيانىڭ 25 جىلدىعىنا ارنالعان دوڭگەلەك ۇستەل وتىرىسىن وتكىزۋ, "قازاقستان رەسپۋبليكاسىنىڭ كونستيتۋتسياسىنا 25 جىل", "قازاقستان حالقىنىڭ اسسامبلەياسىنا 25 جىل" مەرەيتويلىق مەدالدارىمەن قوعام بەلسەندىلەرىن ماراپاتتاۋ جوسپارلانۋدا.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.