اكىم گرانتىن يەلەنگەن تۇلەكتەر ەندى وبلىستىق بيۋدجەت ەسەبىنەن ءبىلىم, دەنساۋلىق, اۋىل شارۋاشىلىعى جانە باسقا دا ماڭىزدى سالالار بويىنشا تەگىن وقيدى. بيىل كونكۋرسقا 132 تالاپكەر ءوتىنىش بەرگەن, - دەپ حابارلايدى Egemen.kz.
"اكىم گرانتىن يەلەنگەن تۇلەكتەردىڭ دەنى – بولاشاق مۇعالىمدەر مەن دارىگەرلەر. وبلىس اكىمىنىڭ گرانتىن العان 78 تۇلەكتىڭ 27-ءسى م.وسپانوۆ اتىنداعى باتىس قازاقستان مەملەكەتتىك مەديتسينالىق ۋنيۆەرسيتەتىندە, ۇشەۋى ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە تەگىن ءبىلىم الادى. ال ءتورت تۇلەك م.وتەمىسوۆ اتىنداعى باتىس قازاقستان ۋنيۆەرسيتەتىندە, التاۋى "نۇر-مۇباراك" ەگيپەت يسلام مادەنيەتى ۋنيۆەرسيتەتىندە وقيدى. ءبىر تۇلەك جاڭگىرحان اتىنداعى باتىس قازاقسان اگرارلىق-تەحنيكالىق ۋنيۆەرسيتەتىنە, تاعى بىرەۋى ت.جۇرگەنوۆ اتىنداعى قازاق ۇلتتىق ونەر اكادەمياسىنا, 36 تالاپكەر ح.دوسمۇحامەدوۆ اتىراۋ مەملەكەتتىك ۋنيۆەرسيتەتىنە وقۋعا ءتۇستى", -دەدى وبلىس اكىمىنىڭ ورىنباسارى باقىتگۇل حامەنوۆا.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.