27 تامىزدا قازاقستان مەن تۇركيا اراسىنداعى تۇراقتى جولاۋشىلار رەيستەرىنە شەكتەۋلەر الىنادى, - دەپ حابارلايدى Egemen.kz يدم ءباسپاسوز قىزمەتىنە سىلتەمە جاساپ.
بۇعان دەيىن, COVID19-نىڭ تارالۋىنا بويىنشا جاعدايعا بايلانىستى, تۇرىك تاراپى 2020 جىلدىڭ 5 تامىزىنان باستاپ قازاقستاننان تۇركياعا جولاۋشىلاردىڭ كىرۋىنە شەكتەۋلەر ەنگىزگەن بولاتىن.
مينيسترلىك ەكى ەل اراسىنداعى رەيستەرگە قويىلعان شەكتەۋلەردى الىپ تاستاۋ ماسەلەسى بويىنشا تۇرىك تاراپىمەن جۇمىس جۇرگىزدى.
وسىلايشا, تۇركيانىڭ اۆياتسيا بيلىگىنىڭ ايتۋىنشا, شەكتەۋلەردى الىپ تاستاۋ ماسەلەسى تۇركيانىڭ دەنساۋلىق ساقتاۋ مينيسترلىگىمەن ۇيلەستىرىلىپ, جانە COVID-19 تاراتىلۋىنىڭ تۇراقتانۋى مەن جاقسارۋىن ەسكەرە وتىرىپ, تۇرىك تاراپى قازاقستاننان تۇركياعا جولاۋشىلاردىڭ كىرۋىنە شەكتەۋلەردى الىپ تاستاۋ تۋرالى شەشىم قابىلدادى.
رەيستەر قازاقستان مەن تۇركيانىڭ سانيتارلىق-ەپيدەميولوگيالىق نورمالارىنا قاتاڭ ساقتاي وتىرىپ جانە اۋە كومپانيالاردىڭ سايتتارىندا جاريالانعان كەستەگە سايكەس ورىندالادى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.