قازاقستان رەسپۋبليكاسى مەملەكەتتىك قىزمەت ىستەرى اگەنتتىگىنىڭ توراعاسى ءاليحان بايمەنوۆتىڭ باسشىلىعىمەن قازاقستان دەلەگاتسياسى 2013 جىلدىڭ 22-23 قازانىندا كورەيا رەسپۋبليكاسىندا وتكەن «Smart ۇكىمەت پەن Smart قوعام» اتتى ەلەكتروندىق ۇكىمەت بويىنشا جاھاندىق فورۋمىنا قاتىستى.
قازاقستان رەسپۋبليكاسى مەملەكەتتىك قىزمەت ىستەرى اگەنتتىگىنىڭ توراعاسى ءاليحان بايمەنوۆتىڭ باسشىلىعىمەن قازاقستان دەلەگاتسياسى 2013 جىلدىڭ 22-23 قازانىندا كورەيا رەسپۋبليكاسىندا وتكەن «Smart ۇكىمەت پەن Smart قوعام» اتتى ەلەكتروندىق ۇكىمەت بويىنشا جاھاندىق فورۋمىنا قاتىستى.
22 قازان كۇنى فورۋمنىڭ پلەنارلىق وتىرىسى كەزىندە ءا.بايمەنوۆ «قازاقستان قوعامى ءۇشىن اشىق جانە زاماناۋي باسقارۋ: جەتىستىكتەرى مەن پەرسپەكتيۆالارى» تاقىرىبىندا سپيكەر رەتىندە ءسوز سويلەدى.
ءا.بايمەنوۆ فورۋمنىڭ قاتىسۋشىلارىن «قازاقستان-2050» ستراتەگياسىنىڭ دامىعان 30 ەلدىڭ قاتارىنا كىرۋ بويىنشا باسىمدىقتارىمەن تانىستىردى. وسى باسىمدىقتار باعىتتارىنىڭ ءبىرى اقپاراتتىق كوممۋنيكاتسيالىق تەحنولوگيالاردى دامىتۋ مەن قولدانۋ بولىپ تابىلادى. «اقپاراتتىق قازاقستان-2020» باعدارلاماسى قىزمەت كورسەتۋگە باعىتتالعان جانە تەحنولوگيالىق جاعىنان دامىعان مەملەكەتكە كوشۋ قۇرالى رەتىندە ەرەكشە اتاپ ءوتىلدى.
فورۋمنىڭ قاتىسۋشىلارى قازاقستان رەسپۋبليكاسىنىڭ زاماناۋي تەحنولوگيالاردى پايدالانا وتىرىپ مەملەكەتتىك اپپاراتىنىڭ تيىمدىلىگىن ارتتىرۋ, مەملەكەتتىك قىزمەتتەردى كورسەتۋدىڭ ساپاسىن جوعارىلاتۋ بويىنشا شارالارىمەن تانىستىرىلدى.
اگەنتتىك توراعاسى كەشەندى باعدارلامالارمەن قاتار, سمارت-مەديتسينا, ەلەكتروندىق وقىتۋ (ە-learning), ءموبيلدى ۇكىمەت, ە-قىزمەت سياقتى ءتۇرلى سالالاردا; وڭىرلىك دەڭگەيدە SmartAstana, يننوۆاتسيالىق تەحنولوگيالار پاركى جانە ت.ب اقپاراتتىق تەحنولوگيالاردى قولدانۋ بويىنشا جۇمىس اتقارىلىپ كەلگەنىن اتاپ ءوتتى.
ءا.بايمەنوۆ فورۋم قاتىسۋشىلارىن جاھاندىق ە-قاتىسۋدىڭ ۇلگىسى رەتىندە G-Global-عا قاتىسۋعا شاقىردى, سونىمەن قاتار, فورۋم حاتشىلىعىنا مەملەكەتتىك قىزمەت سالاسىنداعى وڭىرلىك حابقا ارىپتەس بولۋدى ۇسىندى.
«ەگەمەن-اقپارات».