ءورت تە – ءتىلسىز جاۋدىڭ ءبىرى. قالاي تۇتانعانىن دا اڭعارماي قالاسىڭ. كەشەدەن بەرى كاسپي تەڭىزىنىڭ جاعالاۋىنداعى قامىس ورتەنىپ جاتىر. ازىرگە سونەر ءتۇرى جوق, - دەپ حابارلايدى Egemen.kz.
وڭايلىقپەن سونبەيتىندەي سەبەبى بار. وبلىستىق توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنشە, جانىپ جاتقان قامىستىڭ اينالاسى قۇرعاق ەمەس. ال باتپاقتى جەرگە وزگە تۇگىلى ءورت سوندىرۋشىلەردىڭ ارنايى تەحنيكاسى دا بارا المايدى. مىنە, وسىنداي سەبەپتەن, تەڭىز جاعالاۋىنداعى قامىستىڭ ءتۇتىنى كوككە كوتەرىلىپ, ءالى ورتەنىپ جاتىر.
"ورتەنگەن اۋماققا تەحنيكا بارا الماعاندىقتان, درونمەن باقىلاۋ جاسالىپ وتىر. قازىر جاعالاۋداعى 4 گەكتار القاپ ورتەندى", - دەپ حابارلادى دەپارتامەنتتىڭ ءباسپاسوز قىزمەتى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.