قازاقستاندىق فيرۋزا ءشارىپوۆا (10-1, 5 كو) IBA نۇسقاسى بويىنشا ءبىرىنشى ورتا سالماقتا الەم چەمپيونى اتاندى. رەسەيدىڭ قازان قالاسىندا وتكەن كاسىبي بوكس كەشىندە جەرلەسىمىز تانزانيالىق حەپپي ءداۋديدى (8-6-1, 4 كو) ايقىن باسىمدىقپەن جەڭدى.
بۇل كەشتە قازاقستاندىق بوكسشى باسەكە تىزگىنىن بىردەن قولعا الىپ, سوققىلارىن قارسىلاسىنا ءدال دارىتا ءبىلدى. اياعىمەن دە جىلدام قيمىلداعان فيرۋزانىڭ باسىمدىعى ايقىن كورىندى. ونىڭ جويقىن سوققىسىنا شىداي الماعان ح.دوۋدي بەسىنشى راۋندتا جەكپە-جەكتى جالعاستىرۋدان باس تارتتى.
وسىلايشا كاسىبي بوكسقا قايتا ورالعان 25 جاستاعى ف.ءشارىپوۆا قارسىلاسىن تەحنيكالىق نوكاۋتپەن جەڭدى.