ونەركاسىپ جانە ءورت قاۋىپسىزدىگىن قامتاماسىز ەتۋ ماسەلەلەرى جونىندە كەڭەس ءوتتى, دەپ حابارلادى akorda.kz.
«قاۋىپسىزدىك كەڭەسىنىڭ اپپاراتىندا ۋاكىلەتتى مەملەكەتتىك ورگانداردىڭ وكىلدەرىنىڭ قاتىسۋىمەن ءورت جانە ونەركاسىپ قاۋىپسىزدىگىن قامتاماسىز ەتۋ, سونداي-اق وسى سالاداعى بۇزۋشىلىقتاردىڭ الدىن الۋ ماسەلەلەرى بويىنشا كەڭەس ءوتتى.
كەڭەس قورىتىندىسى بويىنشا قاۋىپتى حيميالىق زاتتاردىڭ, جانعىش جانە جارىلىس قاۋپى بار ماتەريالداردىڭ اينالىمدارىنا تارتىلعان, قاۋىپتىلىگى جوعارى وبەكتىلەردە, سونداي-اق تۇرمىستىق قاتتى قالدىقتار پوليگوندارىندا ءورت جانە ونەركاسىپ قاۋىپسىزدىگىن قامتاماسىز ەتۋ بويىنشا ناقتى تاپسىرمالار بەرىلدى.
ادامدار جاپپاي جينالاتىن ورىنداردا, گاز-تەحنيكالىق جۇمىستار وندىرىسىندە, سونداي-اق مەديتسينالىق مەكەمەلەردە وتتەگىمەن جاراقتاندىرۋدى پايدالانۋ كەزىندە ءورت قاۋىپسىزدىگىن قاتاماسىز ەتۋ بويىنشا پروفيلاكتيكالىق جۇمىستار جۇرگىزۋگە اسا نازار اۋدارىلۋى ءتيىس ەكەنى ايتىلدى.