بۇگىن اشىق zoom-كونفەرەنتسيا فورماتىندا كوپشىلىك نازارىنا "شارىن" مەملەكەتتىك ۇلتتىق تابيعي پاركىن دامىتۋ تۇجىرىمداماسى ۇسىنىلدى, دەپ حابارلايدى Egemen.kz.
وعان قر ەكولوگيا, گەولوگيا جانە تابيعي رەسۋرستار ۆيتسە-ءمينيسترى ەرلان نىسانباەۆ, قر مادەنيەت جانە سپورت ۆيتسە-ءمينيسترى وركەن بيساقاەۆ, «Kazakh Tourism» ۇك» اق باسقارما توراعاسى ەرجان ەركىنباەۆ جانە باسقا ساراپشىلار قاتىستى.
تۇساۋكەسەر باسىندا ەكولوگيا ۆيتسە-ءمينيسترى ە.نىسانباەۆ قازىرگى كەزدە بۇكىل الەمدە ەكوتۋريزم وتە تانىمال بولىپ كەلە جاتقانىن اتاپ ءوتتى. وتكەن جىلى قازاقستان رەسپۋبليكاسى ۇكىمەتىنىڭ قاۋلىسىمەن ەلدىڭ تۋريستىك سالاسىن دامىتۋدىڭ 2019-2025 جىلدارعا ارنالعان مەملەكەتتىك باعدارلاماسى قابىلداندى. مەملەكەتتىك باعدارلامانىڭ 10 باسىم باعىتىنىڭ ءبىرى -قۇرامىندا 4 ۇلتتىق پارك (التىن-ەمەل, شارىن, كولساي كولدەرى جانە ىلە-الاتاۋ) بار الماتى وبلىسىنىڭ تاۋ (شاڭعى) كلاستەرى.
ول وتكەن جىلى 20 مىڭنان استام ادام كەلگەن شارىن ۇلتتىق پاركىندەگى تۋريستىك ينفراقۇرىلىم زاماناۋي تالاپتارعا ساي كەلمەيتىنىن جانە كەلۋشىلەردىڭ تولىققاندى ءارى جايلى تۇرۋى ءۇشىن جاعداي جاسالمايتىنىن اتاپ ءوتتى. وسىعان وراي, مينيسترلىك قازاقستان رەسپۋبليكاسىنىڭ مادەنيەت جانە سپورت مينيسترلىگىمەن جانە «قازاق ءتۋريزمى» ۇك» اق-پەن بىرلەسە وتىرىپ, اقش-تىڭ حالىقارالىق تاجىريبەسىن زەردەلەدى, قۇقىقتىق بازانى, تاسىلدەر مەن تەتىكتەردى زەرتتەدى, سونىمەن قاتار ەكولوگيالىق ءتۋريزمدى دامىتۋدىڭ نەگىزگى پرينتسيپتەرىن انىقتادى. حالىقارالىق تاجىريبەنى ەسكەرە وتىرىپ, ۇلتتىق پاركتەردە ەكولوگيالىق ءتۋريزمدى دامىتۋدىڭ تۇجىرىمدامالىق تاسىلدەرى بەلگىلەندى.
سونىمەن قاتار, تۋريستىك باعىتتار مەن جولداردى دامىتۋعا باسا نازار اۋدارىلادى, سونىمەن قاتار جەڭىل قۇرىلىمداردى قولدانا وتىرىپ, كۇردەلى قۇرىلىستارسىز زاماناۋي ساپارلاۋ ورتالىقتارىن, گلەمپينگتەر, كەمپينگتەر, ەتنو-اۋىلدار مەن كاراۆانينگتەر قۇرۋ جوسپارلانۋدا. بۇل تابيعي ورتاداعى كۇيزەلىستەردەن اۋلاق بولۋعا, قىزمەت كورسەتۋ ساپاسىن قامتاماسىز ەتەتىن بىرىڭعاي تۋريستىك ءونىم قۇرۋعا مۇمكىندىك بەرەدى.
شارىن ۇلتتىق پاركىندە ە.نىسانباەۆتىڭ ايتۋىنشا, جەكە ينۆەستيتسيالاردى تارتۋ ارقىلى قازىرگى زامانعى 2 كەلۋ ورتالىعىن ورنالاستىرىپ, 4 جاياۋ تۋريستىك مارشرۋتتى ۇيىمداستىرۋ, تۇنەمەلىك ورىن سايلاۋ, سونىمەن قاتار ەتنو-اۋىل قۇرۋ, 3 كورۋ الاڭى, گلەمپينگ الاڭدارى, كەمپينگتەر, كەرۋەن الاڭدارى, تاماقتانۋ ورىندارى مەن كادەسىي ونىمدەرىن ساتۋ ورىندارىن ورناتۋ بەلگىلەنۋدە. سونىمەن بىرگە شاتقالداعى رەكرەاتسيالىق جۇكتەمەنى ازايتۋ ءۇشىن تۋريستەرگە قىزمەت كورسەتەتىن بارلىق نىسانداردى شاتقالداردىڭ سىرتىندا ورنالاستىرۋ ارقىلى ەكوتۋريزمدى دامىتۋ جوسپارلانعان.
بۇل جوسپاردى ىسكە اسىرۋ ءۇشىن, ەگەر جوبا كوپشىلىكپەن تالقىلاعاننان كەيىن قابىلدانسا, اشىق كونكۋرس ارقىلى بولاشاق ينۆەستورلاردى تارتۋ كوزدەلەدى. سونىمەن بىرگە, ەكولوگيا مينيسترلىگى بۇعان دەيىن بىرنەشە رەت اتاپ وتكەندەي, ۇلتتىق پاركتەردىڭ جەرلەرى قازاقستان رەسپۋبليكاسىنىڭ زاڭىنا سايكەس, مەملەكەت مەنشىگىندە تولىقتاي قالا وتىرىپ, جەكە تۇلعالاردىڭ يەلىگىنە ەشقانداي جاعدايدا بەرىلمەيدى. ءتۋريزمدى دامىتۋ ءۇشىن بولىنگەن جەرلەر ەگەر ينۆەستور ءوز مىندەتتەمەسىن ورىنداماسا, كەلىسىمشارتتى كەز كەلگەن ۋاقىتتا بۇزۋ مۇمكىندىگىمەن ۋاقىتشا پايدالانۋعا بەرىلەدى.
سونىمەن قاتار, تۇساۋكەسەر اياسىندا ە.نىسانباەۆ, قر ەگترم ەكولوگيالىق رەتتەۋ جانە باقىلاۋ كوميتەتىنىڭ توراعاسى زۇلفىحار جولداسوۆ, سونداي-اق ۇلتتىق پاركتىڭ وكىلدەرى قوعام وكىلدەرىنىڭ سۇراقتارىنا جاۋاپ بەردى. بارلىق كوتەرىلگەن سۇراقتار, ەسكەرتۋلەر مەن ۇسىنىستار جوبانى ءارى قاراي دايىنداۋدا ەسكەرىلەتىن بولادى, دەپ حابارلادى ەكولوگيا مينيسترلىگى.