ىستىق كول قازاقستاندىقتار ءۇشىن اشىق

قىرعىزستاننىڭ رەسپۋبليكالىق شتابى ەلگە كىرە الاتىن مەملەكەتتەردىڭ ءتىزىمىن جاريالادى. ول قاتاردا كوروناۆيرۋستىق ينفەكتسيا جاعدايلارىنىڭ تومەندەۋى جانە ەپيدەميالىق احۋالدىڭ تۇراقتانۋى بايقالاتىن مەملەكەتتەر عانا كىردى.

تىزىمگە كەلەسى ەلدەر كىردى: رەسەي, گرۋزيا, ءازىربايجان, ارمەنيا, بەلارۋس, قازاقستان, تۇرىكمەنستان, بەلگيا, اۆستريا, ۇلىبريتانيا, گەرمانيا, يرلانديا, يسلانديا, يتاليا, لاتۆيا, ليتۆا, ليحتەنشتەين, ليۋكسەمبۋرگ, پورتۋگاليا, تۇركيا, شۆەيتساريا, شۆەتسيا, كاتار, ءباا, قحر, مالايزيا, وڭتۇستىك كورەيا, پاكىستان, سلوۆەنيا, كۋۆەيت, جاپونيا.

ايتا كەتەيىك, جىل سايىن قىرعىزستانعا 8 ميلليونعا جۋىق شەتەلدىك ازاماتتار كەلەدى, ولاردىڭ 2 ميلليونعا جۋىعى تۋريستەر رەتىندە دەمالىپ كەتەدى. قىرعىزستاننىڭ مەملەكەتتىك شەكارا قىزمەتىنىڭ مالىمەتىنشە, دۇنيەجۇزىلىك تۋريستىك ۇيىمنىڭ جىكتەمەسىنە جاتاتىن الىس جانە جاقىن شەتەلدەردەن كەلگەن ازاماتتاردىڭ جالپى سانى 2020 جىلدىڭ ءبىرىنشى جارتىجىلدىعىندا 61,7%-عا نەمەسە 2 ملن 202,8 مىڭ ادامعا ازايىپ, 1 ملن 368,3 مىڭ ادامدى قۇراعان. سونىڭ ىشىندە قىرعىزستانعا تۋريستەر رەتىندە 2,4 مىڭ, قىزمەتتىك ساپارمەن 5,3 مىڭ, جەكە ساپارمەن 1 ملن 360,7 مىڭ ادام كەلگەن.

قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.