ەلباسى ن.نازارباەۆ جۇمىس ساپارىمەن قىزىلجار وڭىرىندە بولعان كەزدە اۋا رايىنىڭ قولايسىزدىعىنا قاراماستان بىتىك ەگىن وسىرگەن ديقاندار قاۋىمىنىڭ قاجىرلى ەڭبەگىنە جوعارى باعا بەرىپ, وتان قامباسىنا كەمى 5 ميلليون توننا ەل ريزىعىن قۇيۋدى تاپسىرعان بولاتىن.
ەلباسى ن.نازارباەۆ جۇمىس ساپارىمەن قىزىلجار وڭىرىندە بولعان كەزدە اۋا رايىنىڭ قولايسىزدىعىنا قاراماستان بىتىك ەگىن وسىرگەن ديقاندار قاۋىمىنىڭ قاجىرلى ەڭبەگىنە جوعارى باعا بەرىپ, وتان قامباسىنا كەمى 5 ميلليون توننا ەل ريزىعىن قۇيۋدى تاپسىرعان بولاتىن.
قازىرگى قارقىنعا قاراعاندا, سولتۇستىكقازاقستاندىقتاردىڭ ءۋادە ۇدەسىنەن شىعارى انىق. وبلىستىق اۋىل شارۋاشىلىعى باسقارماسى ماماندارىنىڭ اقپاراتى بويىنشا, ەگىستىك القاپتاردان جينالعان التىن ءدان 4,5 ميلليون توننانى قۇراپ وتىر. كۇزدىڭ جاۋىن-شاشىندى بولۋىنا بايلانىستى التىن وراقتىڭ ءالى اياقتالماعانىن ءارى بىلتىرعىعا قاراعاندا گەكتار بەرەكەلىلىگى 4 تسەنتنەرگە جوعارى ەكەنىن ەسكەرسەك, بەرگەن ۋادەنىڭ ارتىعىمەن ەڭسەرىلەتىن ءتۇرى بار.
ماعجان, قىزىلجار, ايىرتاۋ اۋداندارىنىڭ ەگىنشىلەرى جاۋاپتى ناۋقاندى ويداعىداي اياقتاپ, گەكتار ونىمدىلىگىن 17-15,7 تسەنتنەرگە جەتكىزدى. جەكەلەگەن شارۋاشىلىقتاردىڭ كورسەتكىشى ءتىپتى قوماقتى. «مامبەتوۆ جانە ك» كومانديتتىك سەرىكتەستىگىنىڭ ديرەكتورى ەركەبۇلان مامبەتوۆ باستاعان ۇجىم 15884 گەكتار القاپتىڭ ءدانىن ەش شاشاۋسىز قۇيىپ الدى. وسىنداعى «وتان» وردەنىنىڭ يەگەرى ارىستان ءجۇنىسوۆ جەتەكشىلىك ەتەتىن بەكسەيىت بولىمشەسى ءار گەكتاردان 20 تسەنتنەردەن ءونىم الىپ, جارىس كوشىن باستاسا, ەرسايىن عابدۋللين, اعىباي شورمانباەۆ سەكىلدى مايتالمان مەحانيزاتورلار 19000-15000 توننا استىق باستىردى. وسىلايشا, وراق وزاتتارىنىڭ كۇزگى وراق كەزىندە تاپقان ەڭبەككۇنى 350 مىڭنان 600 مىڭ تەڭگەنى قۇراۋى ماڭداي تەردىڭ اقتالعانىن كورسەتسە كەرەك. 700 مىڭ گەكتار جەرگە ەگىن وسىرگەن ع.مۇسىرەپوۆ اۋدانى شيراق قيمىلدىڭ ارقاسىندا استىق جيناۋ جۇمىستارىن ءتامامدادى. «چەرۆوننوە-اگرو», «ءالىبي-يشيم», «ۆوزۆىشەنكا-سك», تاعى باسقا شارۋاشىلىقتار جوعارى ەڭبەك ۇلگىسىن كورسەتە ءبىلدى. كۇزگى وراقتى ۇتىمدى ۇيىمداستىرعانداردىڭ ءبىرى – «دايىندىق» جشس. ءبىرجان شايمەردەنوۆتىڭ جەتەكشىلىگىندەگى ۇجىم ەگىن ورۋدىڭ وڭتايلى تاسىلدەرىن ءتيىمدى قولدانا وتىرىپ, 10 مىڭ گەكتار جەرگە سىڭىرىلگەن ءداندى داقىلداردىڭ شىعىمدىلىعىن 21 تسەنتنەردەن اينالدىردى. مايلى داقىلداردىڭ شىعىمدىلىعى دا وسى شامالاس.
– بۇگىندە وڭىردە ءداندى, مايلى, جەمازىقتىق داقىلداردىڭ سوڭعى تاناپتارى باستىرىلىپ, نەگىزگى جۇمىس قىرماندارعا اۋىسقان. اققايىڭ اۋدانى «پولتاۆكا» جشس 9000 گەكتار بيدايدى, 2000 گەكتار ارپانى, 317 گەكتار بۇرشاقتى تولىق جيناپ, قىرمانداردا تازارتىلعان ءدان ەلەۆاتورلارعا كىدىرىسسىز جونەلتىلۋدە. ەلباسىنىڭ ەگىنشىلىك سالاسىن ءارتاراپتاندىرۋ تاپسىرماسىنا سايكەس تابىسى مول داقىل – راپس ەگۋمەن دە اينالىسىپ كەلەمىز. بيىل ونىڭ كولەمىن 2 مىڭ گەكتاردان اسىردىق. الداعى ۋاقىتتا كۇتىپ-باپتاۋ تەحنولوگياسىن تەرەڭ يگەرىپ, تەحنيكا پاركىن نىعايتاتىن بولامىز. جينالعان ءونىمنىڭ 60 پايىزدايىن ساتىپ, قالعانىن قويمالاردا ساقتاماق ويىمىز بار, – دەدى ە.ءزىكىرين.
مامليۋت اۋدانىنا قاراستى «برەدۋن» كومانديتتىك سەرىكتەستىگى جينالعان استىقتى تازالاپ, كەپتىرگەننەن كەيىن سىيىمدىلىعى 5,5 مىڭ توننالىق ەكى استىق قويماسىنا قۇيىپ الىپتى. قالعانىن مامليۋت ۇن كومبيناتىنىڭ ەلەۆاتورىنا جونەلتۋدە. تۇگەلدەي ءۇشىنشى سۇرىپپەن قابىلدانىپتى. ءويتكەنى, مەحانيكالىق قىرمانداردا وڭدەلگەن استىقتىڭ ىلعالدىلىعى 11-13 پايىزدان اسپايدى.
جالپى سىيىمدىلىعى 3,5 ميلليون توننا بولاتىن 55 ەلەۆاتورعا جەتكىزىلگەن استىقتىڭ 90 پايىزدان استامى ءۇشىنشى سۇرىپقا جاتادى. اۋا رايىنىڭ كۇردەلىلىگى بارىنشا ەسكەرىلىپ, 123 استىق كەپتىرگىش ىسكە قوسىلعان.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى.