قازاقستان رەسپۋبليكاسىنىڭ ۇلتتىق بانكى مەلحيور قوسپاسىنان نومينالى 200 تەڭگەلىك جانە نەيزيلبەر قوسپاسىنان نومينالى 100 تەڭگەلىك «QAZAQSTAN HALQY ASSAMBLEIASY» كوللەكتسيالىق مونەتالارىن اينالىسقا شىعارادى. بۇل تۋرالى Egemen.kz ۇلتتىق بانكتىڭ ءباسپاسوز قىزمەتىنە سىلتەمە جاساپ حابارلايدى.
مونەتالاردى شىعارۋ قازاقستان حالقى اسسامبلەياسىڭ 25 جىلدىعىنا ورايلاستىرىلعان.
«QAZAQSTAN HALQY ASSAMBLEIASY» مونەتالارىنىڭ سيپاتتاماسى:
مونەتالاردىڭ بەت جاعىندا (اۆەرسىندە) ورتالىق بولىگىندە قازاقستان رەسپۋبليكاسىنىڭ مەملەكەتتىك ەلتاڭباسى بەينەلەنگەن. سول جانە وڭ جاعىندا - ۇلتتىق ويۋ-ورنەك ەلەمەنتتەرى. نەيزيلبەردەن جاسالعان مونەتانىڭ تومەنگى بولىگىندە نومينالىن بىلدىرەتىن «100 TEŃGE» جازۋى بار, ال مەلحيوردان جاسالعان مونەتانىڭ استىندا «200 TEŃGE» جازۋى ورنالاسقان. اينالدىرا «QAZAQSTAN ULTTYQ BANKI • NATIONAL BANK OF KAZAKHSTAN» دەگەن جازبالار بار.
مونەتالاردىڭ سىرتقى جاعىندا (رەۆەرسىندە) كۇن ساۋلەسىنىڭ اياسىندا وقيعانىڭ مەرەيتويلىق كۇنىن بىلدىرەتىن «25» جازۋى بار ويۋ-ورنەك كارتاسى ورنالاسقان. كەسكىننىڭ استىندا قۇرىلعان جىلىن بىلدىرەتىن جانە ءبىر مەزگىلدە سوعىلعان جىلى مەن مەرەيتوي كۇنىن بىلدىرەتىن "1995•2020" دەگەن جازۋ بار. تومەنگى بولىگىندە – مەملەكەتتىك تۋ ەلەمەنتى. اينالدىرا «QAZAQSTAN HALQY ASSAMBLEIASY» جانە «اسسامبلەيا نارودا كازاحستانا» دەگەن جازبالار بار.
مەلحيوردان جاسالعان مونەتالاردىڭ بەينەسى
نەيزيلبەردەن جاسالعان مونەتالاردىڭ بەينەسى
تەحنيكالىق ولشەمدەرى:
«رroof-like» ساپالى مونەتالار من 25 مەلحيور قوسپاسىنان, ماسساسى 15 گرامم, ديامەترى 33 مم, نومينالى 200 تەڭگەلىك, تارالىمى 3000 دانادا دايىندالدى.
«Uncirculated» ساپالى مونەتالار منتس 15-20 منتس 15-20 قوسپاسىنان, ماسساسى 11,17 گرامم, ديامەترى 31 مم, نومينالى 100 تەڭگەلىك, تارالىمى 50 000 دانادا دايىندالدى.
مونەتالار كوللەكتسيالىق قۇنى بويىنشا ساتۋعا ارنالعان.
نومينالى 200 تەڭگەلىك جانە 100 تەڭگەلىك كوللەكتسيالىق مونەتالار تولەمدەردىڭ بارلىق تۇرلەرى بويىنشا قازاقستان رەسپۋبليكاسىنىڭ بۇكىل اۋماعىندا ولاردىڭ بەلگىلەنگەن قۇنىمەن قابىلدانۋعا, سونداي-اق بانك شوتتارىنا ەسەپكە الىنۋعا جانە اۋدارىلۋعا مىندەتتى, قازاقستان رەسپۋبليكاسىنىڭ بارلىق بانكتەرىندە شەكتەۋسىز ۇساقتالادى جانە ايىرباستالادى.
مەلحيور قوسپاسىنان دايىندالعان مونەتالار كادەسىيلىق ورامدا شىعارىلادى.
كوللەكتسيالىق مونەتالار قازاقستان تەڭگە سارايىندا دايىندالعان.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.