اقش ۆيتسە-پرەزيدەنتتىگىنە ۇمىتكەر انىقتالدى

كامالا حارريس وسى لاۋازىمعا ۇسىنىلعان العاشقى افرو-امەريكالىق ايەل بولدى. ول بۇعان دەيىن دەموكراتتار اتىنان اقش پرەزيدەنتتىگىنە رەسمي تۇردە ۇسىنىلعان دجو بايدەنمەن بىرگە ساۋلاۋعا تۇسەدى.

كونگرەستە ك.حارريس ەلدەگى ءالى دە بولسا, دۇربەلەڭى باسىلا قويماعان ناسىلشىلدىك ماسەلەسى تۋرالى ءسوز قوزعادى. اتالعان جايتتان كەيىن امەريكادا افرو-امەريكالىقتاردىڭ جانە جەرگىلىكتى تۇرعىنداردىڭ كوروناۆيرۋس ىندەتىنەن ءولىم قۇشقاندار سانى وسكەنىن اتاپ ءوتتى.

ونىڭ پىكىرىنشە, ءبىلىم مەن دەنساۋلىق سالاسىندا, انا مەن بالا دەنساۋلىعىندا, تۇرعىن ءۇي مەن جۇمىسپەن قامتۋ ماسەلەسىندە جانە كولىك سالاسىنداعى تۇراقسىزدىقتاردىڭ بارلىعى – قوعامنىڭ ناسىلشىلدىككە بوي الدىرۋىندا دەپ ناقتىلادى. سونداي-اق بۇل "ناسىلشىلدىك" جۇيەسى سوت تورەلىگىندە دە ءجيى ادىلەتسىزدىككە ۇشىرايتىنىن ايتىپ ءوتتى.

بۇعان دەيىن ك.حارريس پرەزيدەنتتىككە ۇمىتكەر بولعان. الايدا باستاپتى سايلاۋ مىنبەرلەرىندە-اق قۋانتارلىق ناتيجە كورسەتپەگەن. 77 جاستاعى بايدەن ۆيتسە-پرەزيدەنت رەتىندە سايلانعان جاعدايدا, 55 جاستاعى حارريس ول كەتكەننەن كەيىن پارتيا جەتەكشىسى بولادى. ەگەر ازاماتشا ۆيتسە-پرەزيدەنت ورىندىعىنا وتىراتىن بولسا, قارا ءناسىلدى ايەل رەتىندە امەريكا تاريحىندا العاشقى ساياساتكەرلەردىڭ بىرىنە اينالماق.

اقش-تا پرەزيدەنت سايلاۋى 3 قاراشادا وتەدى. رەسپۋبليكاشىلاردان ولارعا قارسى ۇمىتكەر رەتىندە قازىرگى مەملەكەت باسشىسى دونالد ترامپ باق سىنايدى.

قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.