ءبىلىم جانە عىلىم مينيسترلىگى مەملەكەتتىك باقىلاۋدى جۇرگىزۋگە كەدەرگى كەلتىرەتىن بىرقاتار جوعارى وقۋ ورنىنا قاتىستى ءتيىستى شارالار قابىلداماق. اكىمشىلىك ىستەر قوزعالدى, ماتەريالدار سوتقا جىبەرىلدى, - دەپ حابارلايدى Egemen.kz مينيسترلىكتىڭ ءباسپاسوز قىزمەتىنە سىلتەمە جاساپ.
2019 جىلى ورتالىق ازيا ۋنيۆەرسيتەتىندە جانە اقتاۋ گۋمانيتارلىق-تەحنيكالىق ۋنيۆەرسيتەتىندە (بۇرىنعى قازاقستان تەڭىز ۋنيۆەرسيتەتى) تەكسەرۋ جۇرگىزىلدى, ونىڭ ناتيجەلەرى بويىنشا ءبىلىم بەرۋ سالاسىنداعى زاڭناما نورمالارىنىڭ كوپ بۇزىلعانى انىقتالدى.
بۇگىنگە دەيىن اتالعان ۋنيۆەرسيتەتتەر تەكسەرۋدىڭ كەلەسى كەزەڭىن جۇرگىزۋگە كەدەرگى كەلتىرەتىن ءتۇرلى شارالار (سوت تارتىبىمەن شاعىمدانۋ, شاعىن كاسىپكەرلىك سۋبەكتىسى رەتىندە ۇيىمدىق-قۇقىقتىق نىسانىن وزگەرتۋ, قاجەتتى ماتەريالداردى ۇسىنباۋ جانە ت.ب.) قولدانىپ كەلەدى. اتالعان ەكى جوعارى وقۋ ورنىنا قاتىستى اكىمشىلىك ءىس قوزعالىپ, ماتەريالدار مامانداندىرىلعان سوتتارعا جىبەرىلدى. ەكى جوو-دا سوت شەشىمدەرىنىڭ كۇشىنە ەنۋىنە قاراي تەكسەرۋلەر جۇرگىزىلەدى.
"استانا" ۋنيۆەرسيتەتىندە جوسپارلى تەكسەرۋ 2020 جىلدىڭ باسىندا جۇرگىزىلۋى كەرەك ەدى. الايدا ۋنيۆەرسيتەت قاجەتتى ماتەريالداردى ۇسىنبادى, وسىلايشا پروفيلاكتيكالىق باقىلاۋ جۇرگىزۋگە كەدەرگى كەلتىردى. سوت تالقىلاۋىنىڭ ناتيجەسىندە جوو اكىمشىلىك جاۋاپكەرشىلىككە تارتىلدى.
بۇل رەتتە اقتاۋ گۋمانيتارلىق-تەحنيكالىق ۋنيۆەرسيتەتى مەن "استانا" ۋنيۆەرسيتەتى تانىلعان ارنايى ورگانداردىڭ تىزىلىمىنە ەنگىزىلگەن اككرەديتتەۋ اگەنتتىكتەرىندە اككرەديتتەۋدەن وتپەگەن. بۇدان بولەك, سوڭعى ەكى جىلدا "اتامەكەن" ۇكپ وتكىزەتىن جوعارى وقۋ ورىندارىنىڭ ءبىلىم بەرۋ باعدارلامالارىنىڭ رەيتينگى نەگىزىنەن بۇل جوعارى وقۋ ورىندارىنىڭ سوڭعى پوزيتسيالاردا ەكەنىن كورسەتەدى.
ء"بىلىم تۋرالى" قر زاڭىنا سايكەس اتالعان جوعارى وقۋ ورىندارى قازىرگى ۋاقىتتا 2020 جىلعى تۇلەكتەرگە ديپلوم بەرە المايدى. سوڭعى كۋرس ستۋدەنتتەرىنىڭ مۇددەلەرىن ەسكەرە وتىرىپ, بۇل ۋنيۆەرسيتەتتەر ديپلوم بەرۋ ءۇشىن اككرەديتتەۋدەن ءوتۋى كەرەك.
"تالاپكەرلەردىڭ نازارىن جوعارى وقۋ ورنىن دۇرىس جانە سانالى تۇردە تاڭداۋداۋعا اۋدارعىمىز كەلەدى, ويتكەنى 2021 جىلدان باستاپ جوعارى وقۋ ورىندارى ءوز ۇلگىسىندەگى ديپلومدارىن بەدەلىن بولادى, بۇل كەيىننەن جۇمىسقا ورنالاسۋعا اسەر ەتەدى. قازىر بارلىق تۇلەك جوعارى وقۋ ورنىنىڭ بەدەلىنە جانە ونىڭ ءبىلىم بەرۋ نارىعىنداعى جاعدايىنا قاراماستان, مەملەكەتتىك ۇلگىدەگى بىردەي ديپلوم الادى. ءبىزدىڭ ويىمىزشا, جۇمىس بەرۋشىلەر بولاشاق ماماندى "كىم" دايىنداعانىن ءبىلۋى كەرەك جانە جوو-لار اراسىندا مىقتى باسەكەلەستىك بولۋى كەرەك. جەكە ۇلگىدەگى ديپلومدار جۇيەسىن ەنگىزگەننەن كەيىن جوو-نىڭ تالاپكەرلەر مەن جۇمىس بەرۋشىلەر الدىنداعى جاۋاپكەرشىلىگى ارتادى. مىقتى مامان بولۋ ءۇشىن ناتيجەگە جۇمىس ىستەيتىن جانە بەلگىلى ءبىر سالاداعى نارىقتا كوشباسشى بولىپ تابىلاتىن ۋنيۆەرسيتەتتى تاڭداۋ كەرەك. تەك وسىلاي عانا جوعارى ءبىلىم بەرۋ جۇيەسىن جوسىقسىز قىزمەت كورسەتۋشىلەردەن "تازارتۋعا" بولادى", – دەپ اتاپ ءوتتى قر بعم ءبىلىم جانە عىلىم سالاسىنداعى ساپانى قامتاماسىز ەتۋ كوميتەتىنىڭ ءتورايىمى گۇلزات كوبەنوۆا.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.