پاندەمياعا بايلانىستى ەكى رەت كەيىنگە شەگەرىلگەن فۋتبولدان قازاقستان چەمپيوناتى 18 تامىزدا قايتا جالعاستى. بىرىنشىلىكتىڭ العاشقى كۇنى 4-تۋردىڭ ءۇش ويىنى ءوتتى.
ۇزاق ۇزىلىستەن كەيىنگى چەمپيوناتتىڭ ءبىرىنشى ويىنىندا «كاسپي» مەن «قايرات» كلۋبتارى باق سىنادى. تالعار قالاسىنداعى ۇلتتىق قۇرامانىڭ جاتتىعۋ بازاسىنىڭ ستاديونىندا وتكەن كەزدەسۋدە الماتىلىق ۇجىم 3:0 ەسەبىمەن ەش قيىندىقسىز جەڭىسكە جەتتى. ورتالىق ستاديونداعى «جەتىسۋ» مەن «ورداباسى» اراسىنداعى ماتچتا شىمكەنتتىڭ كومانداسى كامبەك جاساپ, جانكۇيەرلەرگە قۋانىش سىيلادى. ءبىرىنشى تايمدا «ورداباسى» 2:0 ەسەبىمەن جەڭىلىپ جاتىپ, ويىن سوڭىندا 3:2 ەسەبىمەن جەتىسۋلىقتاردان جەڭىستى ج ۇلىپ الدى. ال «تاراز» بەن «قىزىلجار» فۋتبولشىلارى ءبىر-ءبىرىنىڭ قاقپاسىنان ساڭلاۋ تابا الماي, 0:0 ەسەبىمەن تەڭ تارقاستى.
تۋرنير كەستەسىندە «قايرات» 12 ۇپايمەن كوش باستادى. الماتى كومانداسىنان ەكى ويىن كەم وتكىزگەن «استانا» مەن «توبىل» كلۋبتارى 7 ۇپايمەن ەكىنشى جانە ءۇشىنشى ورىنداردى ءبولىسىپ تۇر. بەسىنشى تۋر ماتچتارى 21-22 تامىزعا جوسپارلانعان.